Governu Lakria Kondisaun Diak

DILI, STLNEWS.co – Autoridade lokal Suku Bahu, Postu Administrativu Baucau Vila, Munisipiu Baucau, Jose Henrique Maufelu da Costa kestiona governu, tanba lakria kondisaun neebe diak ba povu kiik, neebe halerik ba aihan iha situasaun difisil serka sanitaria nia laran.

“Governu tenke kria kondisaun neebe dignu ba ita nia komunidade sira neebe maka iha baze, se governu maka estende hela deit, impaktu ba povu kiik, tanba saida movimentu lalao, labele halao atividade, entaun povu vitima los ba iha serka sanitaria signifika katak governu nunka kria kondisaun neebe maka diak antes atu implementa serka sanitaria,” dehan Xefe Aldeia Ro-Ulo, Suku Bahu Munisipiu Baucau, Jose Henrique ba STL liu husi telefone, Segunda (14/06/2021).

Nia dehan, nee planu governu nia sira latuir, maibe haree mos ba komunidade nia halerik tanba too oras nee governu seidauk fo apoiu nesesidade, depois maka estende SS lahotu-hotu, sira iha uma deit hetan osan husi neebe, atu nunee hodi sustenta familia, haree kondisaun riil neebe agora infrenta dadaun nee.

“Ami mos laiha buat ida atu fo tulun, maibe liu husi meius husu ajuda enprezariu ruma atu nunee ajuda netik sira hodi tahan sira nia moris loron-loron nia,” tenik Jose.

Tanba nee nia rekomenda ba iha MSSI atu aselera apoiu nesesidades ruma ba sira nia komunidade neebe presiza, tanba relasiona surtu Covid-19, kazu numeru aumenta governu estende SS, maibe fo tulun urjente iha situasaun defisil nee, maluk barak halerik ba aihan osan laiha atu sosa fos no sustenta ba sira nia uma laran.

Iha parte seluk Xefe Suku Gariwai, Arlindo Belo Freitas hatete, planu governu neebe implementa serka sanitaria, la relevante ho situasaun iha Timor, no laharee kondisaun neebe afeta ba komunidade sira.

Nia haktuir, governu nia planu ema dehan antes atu udan prepara kedas payung, atu nunee labele bokon, agora udan sira tuur iha payung okos, maibe povu husik abandona, tanba governu laseriu haree situasaun neebe afeta ba ita nia komunidade rasik.*

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: