Governu Nomeia Jose Antonio Belo Prezidente Konsellu Administrasaun RTTL,EP

DILI, STLNEWS.co – Governu liu husi Konsellu Ministru (KM) halao sorumutuk iha auditorium Ministeriu Finansa aprova ona rezolusaun Governu kona ba ezonerasaun atual Prezidente Konsellu Administrasaun Radiu no Televizaun TimorLeste, Empreza Publika (RTTL, EP) Francisco da Silva “Gary” no nomeia fali Jose Antonio Belo nuudar Prezidente Konsellu Administrasaun RTTL, EP foun durante periodu tinan haat.

Proposta ezonerasaun no nomeisaun nee aprezenta husi Ministru Asuntu Parlamentar no Komunikasaun Sosial (MAPKOMS), Francisco Martins da Costa Pereira Jeronimo.

Tuir Ministru Prezidensia Konsellu Ministru (MPKM), Fidelis Manuel Leite Magalhães katak, hafoin rona aprezentasaun proposta ida neebe aprezenta husi Ministru Asuntu Parlamentar no Komunikasaun Sosial, Konsellu Ministru deside ezonera no nomeia hikas Prezidente RTTL, EP foun.

“Konsellu Ministru aprova rezolusaun governu nian kona ba ezonerasaun atual Prezidente Konsellu Administrasaun Radiu no Televizaun Timor Leste, Empreza Publika (RTTL, EP) Fransisco da Silva “Gary” no nomeia fali Jose Antonio Belo nuudar Prezidente Konsellu Administrasaun RTTL, EP foun periodu tinan haat,” dehan Fidelis ba jornalista, hafoin remata enkontru Konsellu Ministru iha salaun auditorium Ministeriu Finansa, Aitarak Laran, Kuarta, (05/05/2021).

Fidelis dehan, rajaun Konsellu Ministru ezonera Fransisco da Silva “Gary” husi Prezidente Administrasaun RTTL, EP para ba oin bele hadia diak liu tan Konsellu Administrativu RTTL,EP.

“Em relasaun ho konfidensia serbisu, tanba proposta neebe mak aprezenta husi MAPKOMS ba Konsellu Ministru fundamenta konaba rajoens hirak neebe mak motiva proposta refere, entaun Konsellu Ministru la iha objesaun tanba ida nee mos kompetensia MAPKOMS rasik kona ba sei deit mak bele kaer kargu nudar Prezidente Konsellu Administrasaun RTTL,EP para ba oin bele hadia diak liu serbisu iha instituisaun refere,” dehan nia.

Enkuantu Prezidente foun Konsellu Administrasaun RTTL,EP Jose Antonio Belo neebe governu nomeia ona nee, antes nee halo nia knaar hanesan Diretor midia online Tempo Timor.*

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: