DILI- Oitavu Governu liu husi reuniaun Konsellu Ministru extraordinaria aprova resolusaun ida ba eis Primeiru Ministru Xanana Gusmao, nudar representante espesial estadu Timor-Leste hodi resolve Fronteira Terrestre Timor-Leste ho Republika Indonesia.
Konsellu Ministru Extraordinaria ohin iha buat rua ursejntu rua ke halo, ida governu nomeia reprentante espesial governu estadu nian Maun boot Kay Rala Xanana Gusmao hodi fo kontinuidade ba negosiasoes fronteira terestre neebe resolusaun nee aprovadu husi Konsellu de Ministru,” dehan Ministru Prezidensial Konsellu Ministru Agio Pereira, ba jornalista sira hafoin reuniaun Konsellu Ministru, neebe halao iha Palasiu Governu, Sesta (23/11/2018).
Agio dehan resolusaun neebe maka konsellu Ministru aprova nee mos inklu ho Xefe ekipa teknika ba negosiasaun fronteira terrestre maka Embaixador Roberto Soares, neebe Konsellu Ministru nomeia hanesan Xefe ekipa tennika ba negosiasaun Fronteira terrestre Timor-Leste ho Republika Indonesia.
Kona ba bainhira maka atu hahu negosiasaun fronteira terrestre ho Republika Indonesia, Ministru Agio hateten nee sei atualisa husi Xefe ekipa tenika Roberto Soares, hanesan fronteira terestre nee koalia konaba saida, bainhira maka hahu buat sira nee hotu, Embaixador Roberto maka sei fo detalladamente.
Iha fatin hanesan Xefe Ekipa tenika ba negosiasaun Fronteira Terrestre Timor-Leste ho Republika Indonesia Roberto Soares hateten resolusaun neebe maka governu halo nee hodi nomeia resprejentante espesial Kay Rala Xanana Gusmao pertinente tebes, tamba aprovasaun nee iha kedas momentu neebe sertu. Notisia kompletu lee iha jornal STL edisaun Segunda (26/11/2018). Natalino Costa