Governu Planu Harii Sentru Akollamentu Gratuitu Ba Vitima Sira

DILI, STLNEWS.co – Ministru Administrasaun Estatal (MAE) Miguel Perreira hatete, opsaun politika neebe hetan apresiasaun husi Konsellu Ministru (KM) nee atu harii sentru akollamentu gratuitu ba vitima asidente grave no dezastre naturais.

“Opsaun politika neebe hetan apresiasaun husi KM nee ho objetivu atu harii sentru akollamentu multifunsaun, hanesan sentru ida neebe mak nia utilidade nee iha primaria no sekundaria. Utilidade primeiru mak atu bele akolla vitima asidentes graves no kadastrus sira, hanesan dezastre naturais no sira seluk tan, sira sei ba hela iha fatin nee ho gratuitu,” dehan MAE, Miguel Perreira Carvalho bainhira partisipa iha Komite Revizaun Orsamentu Politika (KROP) iha edifisiu Ministeriu Finsas, Aitarak-Laran, Dili, Kinta nee (09/09/2021).

Governante nee dehan, sentru akollamentu neebe mak governu atu harii nee prioridade liu ba vitima inundasaun sira neebe dadaun hela iha sentru akollamentu hamutuk 6 iha Dili laran, neebe labele fila fali ba sira nia uma, tanba kauza husi inundasaun neebe mak akontese iha loron 4 fulan Abril liu ba.

Nia hatete, sentru akollamentu nee mos nia utilidade haree mos ba iha planu ordenamentu teritoriu, hanesan sidadaun neebe mak okupa rai estadu bainhira governu hakarak uza rai neebe sira okupa ba, entaun sira tenke husik hela fatin nee.

Tanba nee, bainhira opsaun sira nee iha ona no nesesariu mak governu sei foti desizaun ka medidas urjente ba sidadaun sira neebe mak dadaun nee kontinua hela iha lona okos.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: