Governu Portugal Apoiu Jogu CPLP

Governu Portugal iha disponibilidade atu apoiu governu Timor Leste liu husi Sekretaria Estadu Juventude no Desportu, hodi realiza Jogu CPLP neebe sei realiza iha tinan 2022. (Foto: STL/Maria Tavares)

DILI, STLNEWS.co – Governu Portugal iha disponibilidade atu apoiu governu Timor Leste liu husi Sekretaria Estadu Juventude no Desportu, hodi realiza Jogu CPLP neebe sei realiza iha tinan 2022.

Lia hirak nee hato husi SEJD, Abrão Saldanha ba jornalista sira, hafoin hasoru malu ho Embaixador Portugal, Jóse Machado Vieira, iha edifisiu SEJD, Dili, Kinta (11/02/2021).

“Governu Portugues iha disponibilidade hotu hakarak apoia ita depende saida mak ita husu ba sira para bele koalia, maske kazu ida nee presiza apoia husi Portugal, para organiza jogu ida nee, tanba iha ita nia maluk portuguesa sira neebe barak iha nee, balu profesores no sira bele ajuda nivel organizasaun iha ita nia rai laran, para ita bele susesu,” dehan SEJD Abrão.

Nia hatutan, membru governu nee hare presiza tekniku no amigu sira para bele ajuda iha preparasaun no organizasaun sira, apoiu hanesan organizasaun ba eventu tanba nee ho lian Portugues hotu. TL nia ema iha ida rua sira bele akompana no asiste, sira iha esperensia primeiru, esperensia atu organiza jogu ho dimensaun boot hanesan nee, tenke onestu para presiza maluk sira nia esperensia atu organiza eventu sira hanesan nee.

“Governu Portugues ajuda ita iha tempu barak no difisil nia laran no agora dadauk hanesan sira nia prezensa ajuda fo sidadania Portugues ba joven barak mak bele buka vida iha liur nee tanba governu Portugues nia ajuda, haree ba dokumentus sira neebe mak iha ona akordu baze neebe mak antes nee Governu Portugues iha, liu liu iha area Juventude no Desportu,” nia hatete.

Governante nee dehan, akordu memorandu rua neebe halo iha area juventude no desportu dezde tinan 2015 no agora hanoin oinsa mak atu servisu hamutuk, para bele implementa akordu sira nee ho planu konkretu.

Akordu nee jenerelizadu koalia konaba formasaun asistensia teknika mobilidade, interkampiu kuinese ema ba mai, sira nee hotu agora tenke eskola entre intensaun sira neebe mak uluk iha no ida neebe, mak agora realistiku liu iha situasaun pandemia ida nee sei dezenvolve hamutuk ho Embaixada Portugues.*

Reportajen: Maria Tavares
Editora: Carme Ximenes

LEAVE A REPLY

Please enter your comment!
Please enter your name here