DILI, STLNEWS.co – Daudaun nee komisaun organizadora komemorasaun loron 20 fulan Maiu no serimonia investidura prepara ona otel 5 iha Dili laran, kompostu husi kuartu 150.
Lia hirak nee hatoo husi Ministru Administrasaun Estatal, Miguel Pereira de Carvalho katak, otel sira neebe mak daudaun nee prepara tuir padraun internasional.
“Otel sira neebe mak tuir padraun internasional nee mak iha otel 5, hanesan otel Timor, Timor Plaza, Novu Turizmu, Garden Beach no iha otel ida tan,” dehan Miguel Pereira de Carvalho ba jornalista iha Parlamentu Nasional, Kuarta nee (11/05/2022)
Nia dehan, komisaun organizadora servisu hamutuk ho ekipa eleitu no entidades hotu, para garante fatin naton ba bainaka sira.
“Ohin loron ami komisaun organizadora oferese kuartu 150 ba ita nia konvidadus sira iha fatin hotu-hotu, no iha kuartus 150 nee wainhira iha konvidadus sira neebe mak atu mai, komisaun sira sei lori sira ba hela iha fatin neebe mak prepara ona,” dehan nia.
Kontinua ba pajina 2
