Governu Presiza Dignifika Vitima Torturasaun Durante Okupasaun Indonezia

DILI, STLNEWS.co – Diretor Ezekutivu Centro Nacional Chega (CNC), Hugo Fernandes hateten governu presiza dignifika vitima sira neebe hetan torturasaun durante okupasaun Indonezia, liu husi fo sertifikadu rekonesimentu ba sira.

Tuir nia, governu tenke dignifika ona vitima sira neebe sai prizioneiru no hetan torturasaun iha momentu okupasaun Indonezia. No sira la presiza rekonesimentu forma ida ho osan, estadu presiza fo deit sertifikadu ba sira hodi valoriza sira nia partisipasaun.

“Tanba nee iha seminariu nee espera bele hamosu rezolusaun ida para rekomenda ba governu hodi haree vitima sira neebe mak uluk hetan torturasaun ida momentu okupasaun Indonezia, karik governu iha hanoin ida atu fo rekonesimentu ba sira ho osan hanesan agora dadaun nee veteranu sira rejistu, ka fo netik sertifikadu ruma ba sira nee hodi rekonese sira nia partisipasaun durante okupasaun Indonezia,” dehan Direitor Ezekutivu Centro Nacional Chega (CNC), Hugo Fernandes wainhira komemora loron internasional ba torturasan iha eis komarka Balide, Sabado nee (26/06/2021).

Nia dehan, ema sira neebe sai vitima ba ukun an ida nee laos veteranu sira deit, maibe iha vitima balun hanesan inan feton sira neebe la hatene envolve iha klandestina, wainhira militar Indonezia buka mane sira atu kaer maibe buka laiha, entaun sira lori inan feton sira nee ba kastigu.

“Tanba nee depois ita hetan ukun an to agora sira balun seidauk ba rejistu, tanba sira tauk ba too iha fatin rejistu mak ema husu sira uluk partisipa iha organizasaun ida neebe, FALINTIL ka laos. Entaun rekerementu sira nee mak halo impedementu ba sira atu rejistu, tanba nee presiza buka forma seluk para rejistu vitima sira maske uluk sira la envolve diretamente iha organizasaun rezistensia,” dehan nia.

Tanba nee, iha tinan nee CNC hakarak dignifika vitima sira nee liu husi rekomenda ba governu tenke fo rekonesimentu ba vitima sira ho sertifikadu para sira mos bele sente katak sira nia luta nee iha valor, nunee jerasaun sira tuir mai nee bele hatene.

Aleinde nee tuir relatoriu Chega dadaun nee, rejistu ona vitima torturasan durante okupasaun Indonezia hamutuk rihun 20 resin.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: