Governu Presiza Haree Preokupasaun Komunidade Ba Sesta Baziku Iha Munisipiu 3

Diretor Ezekutivu Fundasaun Mahein, João Almeida. (Foto: STL/Efizenia da Costa)

DILI, STLNEWS.co – Depois de governu foti desizaun hodi lockdown ba munisipiu 3, Covalima no Bobonaro inklui RAEOA. Ho nunee movimentu ba atividade ekonomiku sira hotu paradu, halo ema lakon servisu no laiha rendimentu ba sira. Kestaun nee hatoo husi Diretor Ezekutivu Fundasaun Mahein (FM), João Almeida.

“Husi kazu atual nee hau hanoin governu mos presiza haree ba komunidade sira nia preokupasaun liga ho nesesiade bazika. Primeiru haree ba ita nia komunidade sira husi rai ketan, atu evita ka prevene movimentu sira neebe mak la nesesariu, liliu hakat fronteira ilegalmente,” dehan nia ba jornalista sira iha salaun FONGTIL, Caicoli, Kinta (25/02/2021).

Nia hatutan, objetivu husi taka fronteira nee tanba haree ba kazu positivu Covid-19 iha nasaun vizinu Indonezia, liliu besik area fronteira nian hanesan Atambua, neebe sae makas tebes.

Alende nee kazu hirak neebe mak rezista iha rai laran nee kazu importadu, no maioria kazu hirak nee husi fronteira nian.

Tanba nee nia husu ba autoridade seguransa atu bele mantein iha area de fronteira nian, hodi bele evita movimentu ilegal.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here