Governu Presiza Identifika, Numeru Estudante Kos

Primeiru Ministru, Taur Matan Ruak hatete, antes fo apoiu ba estudante sira neebe hela iha kos, governu liu husi Ministeiru relevante presiza identika uluk numeru estudante. (Foto: Media PR)

DILI, STLNEWS.co – Primeiru Ministru, Taur Matan Ruak hatete, antes fo apoiu ba estudante sira neebe hela iha kos, governu liu husi Ministeiru relevante presiza identika uluk numeru estudante.

Kestaun nee Xefe Governu hatoo ba jornalista, bainhira remata enkontru ho Prezidente Republika, iha Palasiu Prezidente Nicolau Lobato, Bairru Pite, Dili, Kuarta (17/03/2021).

“Ohin mos hau ho Xefe Casa Sivil mos levanta hela kestaun balun haree hela posibilidade balun oinsa mak bele apoiu estudante sira, primeiru tenke hatene ema hira, nia hela iha neebe, ninia problema iha saida, nunee ita hatene kuandu ita fo apoiu nee ita hatene tanba normalmente situasaun hanesan nee ema presiza mos presiza hotu, ema neebe mak la presiza mos presiza hotu satan hanesan ita nia rai, tanba nee mak presiza iha numeru nunee bele hatene tanba ita iha sosial pronto para fo apoiu se deit liu liu,” hatete PM Taur.

Xefe Governu dehan, presiza buka hatene dadus neebe estudante iha katak, estudante hela iha neebe no preokupasaun saida mak sira hasoru depois mak Governu sei haree. Tanba Governu liu husi Ministeriu Solidaridade Sosial mos iha pronto atu apoiu se deit, neebe mak hasoru difikuldade hasoru nesesidade konkreta, buat neebe mak Governu labele halo labele halo maibe buat nebee mak governu presiza halo sei bele halo.

“Buat neebe mak ita labele halo labele, buat neebe mak ita bele halo bele, tanba ita halo iha Covalima, hau hanoin ita mos bele halo iha Dili, tanba ita nia oan sira, tanba nee ita tenke hatene numeru neebe mak ho lolos.” katak nia.

Taur hatutan Xefe Casa Sivil, Francisco Maria De Vasconcelos, mos lavanta hela konaba preokupasaun husi estudante sira neebe mak hela iha kos, maibe presiza hatene ema nee hela iha neebe no preokupasaun konaba saida.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here