Governu Presiza Kontrola Fronteira

Diretor Ensinu Sekundariu Nobel da Paz, Pedro Nunes Menezes. (Foto: STL/Blandina Mauno)

DILI, STLNEWS.co – Governu presiza halo kontrolasaun masimu iha area fronteira, tanba transmisaun lokal iha ona.

Diretor Ensinu Sekundariu Nobel da Paz, Pedro Nunes Menezes, sujere ba governu hodi kontola masimu iha area fronteira, nunee ema neebe tama ilegal labele akontese bebeik.

“Hau so sujere deit ba ita nia governu katak, presiza ita nia governu tenki kontrola masimu iha lina fronteira, tanba transmisaun lokal iha tiha ona,” hatete Pedro ba STL, liu husi telefone, Kinta (11/03/2021).

Nia hatutan, moras sira nee mai husi lina fronteira tama iha Suai, neebe agora dadaun pozitivu iha Dili pur volta 29 pesoas liu tiha ona. Signifika katak presiza governu kontrola masimu iha fronteira, hodi nunee ema neebe mak tama ilegal labele akontese bebeik.

Tanba sira tama ilegalmente sira nee mak lori Covid-19 mai halo transmisaun direita ba nia familia sira. I nunee mos sira nia familia afeitadu ba moras Covid-19 nee halo fila fali transmisaun lokal ba ita nia maluk sira iha TL.

“Se karik ita nia sosiedade afeitadu ho surtu Covid- 19, nee governu tenke kria kondisaun neebe mak diak ba nia povu, no mos nesesidade lor-loron tenke fo ba sira mak hanesan hahan, toba fatin iha karantina tenke mos.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here