Governu Propoin PR Dekreta EE Ba Da-11, Posibilidade Suspende Atividade Eskolar

Porta Voz VIII Governu Konstitusional, Fidelis Leite Magalhães. (Foto: MPKM)

DILI, STLNEWS.co – VIII Governu Konstituisional liu husi reuniaun Konsellu Ministru, delibera ona atu propoin ba Prezidente Republika, Francisco Guterres Lú Olo, renovasaun Estadu Emerjensia, ba loron tolunulu tan.

Porta Voz VIII Governu Konstitusional, Fidelis Leite Magalhães dehan, governu liu husi reuniaun Konsellu Ministru, deside propoin ba Prezidente Republika, Fransisco Guterres Lú Olo, hodi dekreta Estadu Emerjensia ba loron 30 tan.

“Tanba nee orsida sei haruka karta ida husi Primeiru Ministru Taur Matan Ruak ba Prezidente Republika Fransisco Guterres Lú Olo hodi husu dekreta tan Estadu Emerjensia ba loron 30 tan,” dehan Ministru Fidelis iha Palasiu Governu, Sesta (19/02/2021).

Nia dehan, Estadu Emerjensia ba Da-11 neebe governu husu nee, nia natural sei hanesan ida vijenti nee, maibe iha espesifikasaun neebe tenki halo klaru liu tan, mak krta neebe governu hatoo ba PR, sei husu autorizasaun para Falintil Forsa Defeza Timor Leste (F-FDTL) bele halo patroilamentu hamutuk ho Polisia iha fronteira, hodi prevene movimentu entrada ilegais sira.

Enkuantu Estadu Emerejensia ba dala 10 neebe hahu iha loron 2 Fevereiru, sei remata iha loron 3 Marsu, tinan nee.*

Reportajen: Alberto Menezes
Editora: Josefa Parada

LEAVE A REPLY

Please enter your comment!
Please enter your name here