Governu Propoin PR Dekreta EE Ba Dala-18

DILI, STLNEWS.co – Konsellu Ministrus halao sorumutuk iha palasiu governu, deside delibera ba Prezidente Republika (PR) Fransisco Guterres Lú Olo, hodi deklara tan Estadu Emerjensia (EE) ba loron 30.

Tuir Ministru Prezidensia Konsellu Ministru (MPKM) Fidelis Leite Magalhaes katak, hafoin membru KM halo analiza konaba pontu situasaun epidemiolójika, neebe mak aprezenta husi sala situasaun Sentru Integradu Jestaun Krize (SIJK), mak governu husu Prezidente Republika deklara tan EE ba loron 30 tan.

“Konsellu Ministrus delibera atu propoin ba Prezidente Republika, Francisco Guterres “Lu Olo” ba renovasaun EE ba loron tolu nulu (30) tan,” dehan Ministru Fidelis, hafoin remata reuniaun KM iha Palasiu Governu, Dili, Kuarta nee (22/09/2021).

Tuir governante nee, governu delibera ba Prezidente Republika atu deklara tan EE ba loron 30 tan, tanba haree katak, mantein kauza determinante sira neebe justifika ho deklarasaun EE, no ninia renovasaun sira atu bele evita no neutraliza risku propagasaun sira husi SARS-CoV-2.

Bainhira pedidu prezidente nia konaba pedidu EE nia, bainhira aprova ona iha Parlamentu Nasional, mak governu liu husi reuniaun KM sei halo diskusaun konaba medida sira .

Aleinde nee, EE ba dala-17 sei remata iha loron 29 fulan Setembru tina 2021.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...