Governu Prosesu Dokumentu Estudante Timoroan Mate Iha Indonezia

Ministru Ensinu, Siensia, no Kultura (MESSK) Longuinhos dos Santos. (Foto: STL/Blandina Mauno)

DILI, STLNEWS.co – Governu liu husi Ministru Ensinu, Siensia, no Kultura (MESSK) Longuinhos dos Santos hatete, Embaixada Timor Leste iha Indonezia, oras nee dadaun trata ona dokumentus ba estudante Nelson do Nascimento neebe mate tanba moras.

Governante nee dehan, matebian Nelson do Nascimento moris iha loron 22 fulan Janeiru 1997 iha Munisipiu Covalima.

Matebian Nelson do Nascimento, estudante non Bolseiru eskola iha Sekolah Tinggi Ilmu Kesehata (STIKes) Kendedes, Fakuldade Medisina, Malang-Indonezia. Nia hakotu iis iha hospital iha loron 28 fulan Dezembru tinan 2020.

“Hau simu informasaun katak, Embaixada Timor Leste iha Jakarta, oras nee dadauk trata hela dokumentus balun, nunee lori mate isin mai Timor,” hatete MESSK Longuinhos, ba jornalista sira iha MEJD Vila Verde, Dili, Tersa (29/12/2020).

Ministru nee husu ba familia matebian, halo pedidu ba Ministeriu Solidaridade, Sosial, no Inkluzaun (MSSI), atu husu ajuda ba tiket aviaun no kaixaun.*

Reportajen: Blandina Mauno/Joaninha Belo
Editora: Carme Ximenes

LEAVE A REPLY

Please enter your comment!
Please enter your name here