DILI, STLNEWS.co – VIII Governu liu husi Sekretariu Estadu Komunikasaun Sosial (SEKOMS) sei dezenvolve asaun tolu, hodi kombate dezinformasaun eleisaun jeral iha Timor Leste (TL).
Tuir Sekretariu Estadu Komunikasaun Sosial, Mericio Juvinal Dos Reis Akara katak, iha asaun 3 mak governu hakarak dezenvolve hanesan mantein edukasaun sivika kampanha konaba literasia dijital, plataforma konaba boa notisia no plataforma konaba ID falsu ka fake news.
Nia dehan, objetivu husi asaun tolu nee oinsa atu prepara sidadaun sira iha kapasidade no konhesimentu, hodi utiliza media sosial ho matenek.
“Ita prepara plataforma tekniku balu, iha tempu badak ita sei lansa plataforma ida konaba boa notisia iha TL, entaun notisia balu neebe diak ita orgulhu, tanba notisia sira nee foti ita nia rai no imajen nasaun nian bele hatama iha Plataforma nee,” dehan Merício Akara hafoin partisipa workshop neebe mak realiza husi Konselhu Imprensa, iha salaun Centru Nasional Chega Balide, Tersa nee (12/04/2022).
Nia dehan, atu nunee ema iha rai liur bele akompanha katak, iha Timor Leste laos buat aat deit, maibe update buat diak mos no plataforma seluk.
Kontinua ba pajina 2
