Governu Sei Enkuadra Projetu Ba GPS

Vise Primeiru Ministru no Ministru Planu Ordenamentu, Jose Reis. (Foto: STL/Alberto Menezes)

DILI, STLNEWS – Vise Primeiru Ministru no Ministru Planu Ordenamentu, Jose Reis hatete, tempu badak sei tun ba terenu verifika projetu iha teritoriu Timor Leste, antes enkuadra ba iha sistema Global Positioning System (GPS).

Nia dehan, sistema Global Positioning System (GPS) nunee bele iha transparansia no bele fasilita governu kontrola projetu sira nee iha duni ga lae.

Konaba kontrolu projetu sira iha Timor Leste nee responsabilidade Unidade Planeamentu monitorizasaun no Avaliasaun (UPMA) neebe antes halo tia ona monitorizasaun.

Maski projetu balun UPMA seidauk enkuadra ba sistema Global Positioning System (GPS), maibe Governu tenta hela tun ba terenu hodi buka hatene lolos ninia kordinat nee oinsa nunee bele enkuadra ho ba sistema GPS nee rasik.

“Ami agora tenta Hela iha fulan hira nia laran nee tun ba iha terenu para buka hatene lolos nia kordinat, nunee oinsa para enkuadra ba Sistama neebe Unidade Planeamentu monitorizasaun no avaliasaun kria ona,” dehan dehan Vise Primeiru Ministru no Ministru planu orsamentu Jose Reis hafoin remata enkontru ho Primeiru Ministru PM Taur Matan Ruak iha Palasiu Governu,Dili,Sesta,(09/10/2020).

Governante nee afirma, ho Sistema Global Positioning System (GPS) nee bele fasilita governu atu kontrola hotu projetu neebe iha teriotoriu laran.

Enkuantu antes nee Primeiru Ministru (PM) Taur Matan Ruak orienta ona Vise Primeiru Ministru no Ministru Planu Ordenamentu Jose Reis atu enkuadro hotu projetu hotu ba iha Sistema Global Positioning System (GPS).

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here