DILI, STLNEWS.co – Governu Timor Leste oras nee halo ona asina ho empreza balu atu transforma liseira Tibar ba jestaun atiru kontroladu, nunee bele hamate ahi suar.
Kestaun nee hatoo husi Ministru Administrasaun Estatal (MAE), Miguel Pereira de Carvalho ba hornalista wainhira remata hasoru malu ho Prezidente Republika Francisco Guterres Lú Olo iha Palasiu Prezidente Bairru Pite, Segunda (25/04/2022).
“Jestaun lisu iha Tibar hau atu hatoo ba ita boot sira katak, governu asina ona kontratu ho empreza ida para atu transforma liseira Tibar ba iha atiru kontroladu, iha kontratu nee kompania sei halo mate ahi iha liseiru tibar, agora daudaun liseira Tibar mos produs ahi suar, kalan ahi suar halai ba fatin hotu, primeiru ba halo mate hotu ahi sira nee, segundu kee sai tiha lisu sira nee depois ita tau lona iha okos uza sistema kontroladu para lisu foun ba tau iha neeba ida nee sei hadia jestaun ateru kontroladu iha Tibar,” dehan nia.
Ministru mos fiar katak, ho jestaun tinan ida nee ateru kontroladu bele hadia no kontratu neebe mak governu hadia ho kompania nee ho durasaun tinan 10, tanba nee sei trata diak ba liseiru iha Tibar.
(eme)
