Governu Seidauk Atensaun Restus Mortais Neebe Lakon

DILI, STLNEWS.co – Kada semana deputadus sira iha Parlamento Nasional (PN), preokupa restus mortais heróis ho mártires sira neebe lakon seidauk hetan, maibe governu seidauk fo atensaun.

Preokupasaun nee hatoo husi Deputada Bankada FRETILIN, Helena Martins iha sesaun plenária Segunda (21/06/2021) iha PN.

“Hau nafatin foti kona ba restus mortais ita boa herói nó mártires sira neebe lakon, Governu seidauk fo atensaun, mezmu semana-semana ami levanta nafatin iha PN”, lamenta deputada nee.

Nia dehan, laos deit preokupa ba restus mortais heróis, ho mártires sira, maibe, atu foti mos kona ba fatin istoriku sira, liu-liu ba fatin neebe uluk akontese masakre sira, too agora seidauk hetan atensaun, tanba nee sira husu atu tau atensaun ba fatin sira nee.

Hatan ba kestaun nee, reprezentante Governu atual Ministru Asuntu Parlamentar no Komunikasaun Sosial (MAPKOMS), Francisco Jéronimo hatete, relasiona ho restus mortais nee dala barak nia esplika iha PN.

“Maibe hau hanoin diak liu deputadus sira iha PN bele bolu Primeiru Ministru (PM) atu mai iha PN, hodi bele halo esplikasaun loloos kona ba situasaun nee, atu ema hotu bele akompana”, katak membru ezekutivu nee.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: