Governu Seidauk Hadia Estrada Neebe Aat

DILI, STLNEWS.co – Inundasaun neebe foin dadauk akontese halo estrada iha parte balun kotu, no too agora governu seidauk hadia.

Tuir Deputadu husi bankada FRETILIN, Jose Paicheco katak, inundasaun neebe akontese iha rai laran, fulan ida resin ona, maibe estrada sira neebe kotu, sei kotu nafatin no too agora governu seidauk hadia, atu fasilita agrikultur sira asesu ba merkadu.

“Ita preokupa tanba inundasaun nee akontese kuaze fulan ida liu ona, maibe estrada sira neebe aat nee sei kontinua aat nafatin, seidauk hetan atensaun husi governu, liu liu estrada ligasaun Manleuana ba Aileu neebe kotu deste inundasaun akontese no too agora governu seidauk hadia,” dehan Deputadu Jose Paicheco, iha Parlamentu Nasional, Kuarta (12/05/2021)

Nia afirma, estrada husi Manleuana nee governu tenke hadia, tanba bele fasilita movimentu transporte ba munisipiu tolu ou hat hanesan Aileu, Same, Ainaro no Suai. Karik governu la hadia maka bele defikulta tebes movimentu ba mai, no estrda nee kotu tanba inundasan governu seidauk hadia, maibe ba fali munisipiu seluk hanesan Ermera nian kot foin dadauk nee, agora hadia kaber hotu ona, maibe Diresaun Manleu atu ba Aileu, governu deskrimina hela, tan nee lahadia too agora.

Iha parte seluk, Xefe Suku Obulo Fernando Marques hateten, problema neebe maka povu iha Munisipiu Ermera hasoru agora nee maka kondisaun estrada ladiak, presu nesesidade bazika sae makas no eletrisidade mate kalan hat ou lima maka foin lakan, problema sira nee defikulta povu nia atividade.

“Ita preokupa tanba estrada aat, governu labele lori fos ho marka Ministeriu Turizmu, Comersiu no Industria (MTCI) mai faan iha postu administrativu no suku sira, tanba defikulta husi kondisaun neebe aat, no kompania sira mos labele ba sosa fos hodi mai faan tanba dalan kotu no seidauk hetan atensaun husi governu,” dehan Autoridade lokal nee liu husi telefone.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: