Governu Seidauk Hasai Rezulusaun F-FDTL Interven Covid-19

DILI, STLNEWS.co – Governu seidauk hasai rezulusaun ida kona ba Falintil Forsa Defeza Timor Leste (F-FDTL) nia partisipasaun ka intervensaun ba Covid-19.

“Partisipasaun F-FDTL nian iha situasaun atual ida nee hau hanoin katak governu seidauk hasai rezolusaun ida kona-ba F-FDTL atu partisipa intervensaun atividade Covid-19 ninian, maibe kona-ba seguransa ba situasaun atual ida nee ami nain rua Komandante Jeral PNTL, ami iha ona diretiva konjunta atu halo seguransa rai laran,” dehan Tenente-General Lere ba jornalista, iha Palasiu Prezidensial Nicolau Lobato, Bairru Pite, Dili, Kuarta (05/05/2021).

Komandante F-FDTL nee hatutan, maski Governu seidauk hasai rezulusaun, maibe kona ba situasaun seguransa PNTL no FDTL iha ona konjuntu atu halo seguransa iha rai laran. Maibe hanoin katak governu dehan F-FDTL, PNTL servisu hamutuk sem duvida iha kampu tatiku operasional.

“Ami nain rua mak sei haree ba kestaun ida nee, ba ita nia diak, tanba ita mos hanoin ita nia polísia kuitadu sira mos iha feen, oan sira balun Lospalos, Suai, Oekusse sira mós hanoin katak sira nia feen, oan iha neeba kona Covid-19 buat sira nee. Ita invez apoiu malu laiha, dala ruma halo polísia mak sai stress mos iha, bainhira stress hurlele imi dehan violasaun direitus umanus nee signifika ita baku ema nee viola direitus umanus, maibe mos iha nia esplikasaun bainhira iha merese atu baku duni nee mak hau dehan ita nia joven, populasaun tenke koopera.” dehan nia.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: