Governu Seidauk Seriu Ba Komunidade Afetadu Inundasaun

DILI, STLNEWS.co – Inundasaun neebe foin dadauk akontese iha loron 4 fulan Abril liu ba nee, fo ameasa boot ba setor infraestrutura iha rai laran, estrada barak hetan estagus, uma komnidade nian balun mota lori, tan nee hare ba seridade governu nian, atu fo atendimentu ba problema povu kiik neneik tebes.

Lia hirak nee hatoo husin Deputadu, Antonio Benevides ba STL, iha nia knaar fatin Parlamentu Nasional, Dili, Tersa (20/07/2021).

“Ita haree problema neebe povu hasoru foin dadauk inundasaun nee seriu tebes, maibe atendimentu governu nian ba povu neebe hasoru inundasaun nee lao neneik tebes, tanba nee komudade afetadu sira balun too agora seidauk hetan ajudus ruma husi governu, tanba governu laseriu atu apoiu povu sira neebe sofre ba inudasaun,” dehan Deputadu Antonio.

Nia afirma, sofrementu ba Inundasaun nee laos iha kapital Dili deit, maibe povu sira neebe hela iha area remotas mos hasoru problema neebe hanesan.
“Hau hanesan reprezentante povu hakarak husu ba governu atu aselera lalais hodi halo rekuperasaun lalais ba setor infraestrutura neebe hetan estragus iha tempu inundasaun no tau matan ba komunudade sira neebe sira nia uma hetan estragus hotu, tan nee husu seridaridade governu nian ba problema neebe povu hasoru,” dehan Deputadu nee.

Iha fatin hanesan Deputadu Antonio Verdial mos hatutan, los duni inundasaun neebe foin dadauk akontese nee lori mos soifrementu boot ba komudade sira neebe infrenta problema nee, balun lakon vida, balun sira nia uma la aproveita nomos estrada iha fatin barak maka kotu hodi defikulta movimentasaun transporte publiku.

Tuir observasaun STL nian iha terenu hare katak, komunidade afetadu ba inundasaun nee balun too agora seidauk hetan apoiu husi governu, tan nee, komunidade balun sei okupa eskola balun hanesan, eskola 4 Setembru hodi sai hanesan fatin refuziadu ba sira, tanba sira nia uma hetan estragus hotu.*

Reportajen: Madalena Horta / Natalia Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: