Governu Submete OJE 2022 Billaun US$ 1.675 Ba PN

DILI, STLNEWS.co – Governu Da-8 Konstituisional liu husi Ministru Finansa, Rui Agustino Gomes ho Ministru Asuntu Parlamentar no Komunikasaun Sosial, Francisco Jeronimo ohin submete ona Proposta Lei Orsamentu Jeral Estadu (OJE) tinan 2022 nian ho montante orsamentu billaun US$ 1.675 ba Parlamentu Nasional (PN).

Tuir Prezidente Parlamentu Nasional (PPN), Aniceto Longuinhos Guterres Lopes dehan, husi PN atu hatete katak, tuir konstituisaun governu mak prepara proposta OJE no PN aprova.

“Tanba nee ohin governu kumpre tuir lei neebe agora sei vigora hela katak, loron 15 fulan Outubru governu tenke submete ona no ohin sira kumpre,” dehan PPN Aniceto liu husi konferensia pers iha PN, Sesta nee (15/10/2021).

Nia dehan, prosesu tuir mai depois submisaun hotu, sei prosesu lao tuir rejimentu parlamentu nian, entaun ohin kedas sei envia ba tekniku sira para haree ninia legalidade ho konstitusionalidade inisiativa OJE nian.

Nia afirma, depois prepara nota teknika hotu tiha iha tersa feira baixa ona ba komisaun, depois Komisaun C sei halo apresiasaun preleminar hodi prepara kalendariu audensia ho entidade sira tomak, hafoin parlamentu halo ajenda ba diskusaun no aprovasaun iha Plenaria PN.

Tuir kalendariu neebe parlamentu trasa mais tarde 15 Dezembru OJE tinan 2022 tenke aprovadu, nunee bele fo biban ba PR atu halo analiza no estuda, antes fim do ano PR bele promulga lei OJE tinan 2022.

Aleinde nee, Ministru Asuntu Parlamentar no Komunikasaun Sosial Francisco Jeronimo, tuir mandatu konstitusional katak, mais tarde 15 Outobru governu tenke seubmete orsamentu tinan oin nian mai PN.

“Entaun ohin ami mai iha nee hamutuk ho MF atu aprezenta duni proposta lei OJE nian ba PN, ho  detallu entrega mos livru sira,” dehan nia.*

Reportajen: Domingas Soares

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...