Governu Submete Proposta OJE 2022 Ba PN

DILI, STLNEWS.co – Iha loron 15 fulan Outubru tinan 2021, Ministru Asuntu Parlamentar no Komunikasaun Sosial, Francisco Jeronimo akompana husi Ministru Finansas Rui A. Gomes, aprezenta Proposta Lei Orsamentu Jerál Estadu (OJE) tinan 2022 ho montante billaun US$ 1,675, ba Parlamentu Nasional. Husi montante nee hetan redusaun 17,5% kompara ho alokasaun orsamentu final tinan 2021.

Tuir Pres release neebe STL simu iha loron Sesta (15/10/2021) katak, Proposta Lei OJE tinan 2022 ho montante aprovadu billaun US$ 1,675 sei uza hodi finansia programas 45, liu husi prioridade nasional neen (6) ho objetivu atu atinje dezenvolvimentu, neebe kualidade ho kresimentu ekonomiku neebe inkluzivu no sustentavel.

Programa ho orsamentu boot liu iha tinsn 2022 mak Boa Governasaun no Jestaun Institusional, objetivu atu sustenta makina estadu ho orsamentu total kuaze millaun US$ 295, tuir kedan ho Igualdade Jeneru no Inkluzaun Sosial millaun US$ 203,78. Estrada no pontes hanesan programa  terseira ho total orsamentu alokadu kuaze millaun US$ 202. Programa saude ho orsamentu alokadu millaun US$ 106,78, edukasaun no formasaun millaun US$ 105,87 no eletrisidade millaun US$ 101,73.

Alokasaun OJE tinan 2022 tuir prioridades nasional 6 aas liu mak iha setor produtivu sira (Agrikultura no Turizmu), ambiente no konektividade ho alokasaun 27%. Tuir kedan ho Abitasaun no Inkluzaun Sosial 22%, Boa Governasaun 12%, Dezenvolvimentu Kapital Umanu 10%, Dezenvolvimentu Rural 3% no Dezenvolvimentu Setor Privadu 0,5%. Aleinde nee, ba funsionamentu makina estadu hetan alokasaun 18% no atividade seluk 8%.

Alokasaun proposta OJE tinan 2022 tuir klasifikasaun ekonomiku aas liu mak iha Transferensia Publika ho montante millaun US$ 565,9. Tuir kedan ho Bens no Servisus millaun US$ 449,8. Kapital Dezenvolvimentu hetan alokasaun millaun US$ 401,7. Salariu no Vensimentu millaun US$ 233 no Kapital Menor millaun US$ 24,4.

Medidas foun neebe sei inklui iha proposta OJE tinan 2022 mak hanesan, subsidiu ai-han ba funsionariu publiku ho orsamentu alokadu millaun US$ 25. Fundu Resposta Emerjensia hasoru dezastre natural ho orsamentu alokadu millaun US$ 15. Fundu Investimentu hodi estabelese Munisipiu foun Atauro ho orsamentu alokadu millaun US$ 13. Bolsa da Mae Jerasaun Foun ho orsamentu alokadu millaun US$ 13. montante nee la inklui millaun US$ 6,4 husi Governu Australia liu husi Apoiu Orsamentu Diretu.

Eleisaun Prezidensial tinan 2022 ho orsamentu alokadu millaun US$ 12, Dezenvolvimentu Empreza Media Kiik ho orsamentu alokadu millaun US$ 5, Akizisaun vekulu no ekipamentu ba Bombeiros hodi responde ba dezastre ho orsamentu alokadu millaun US$ 3,9, Sensu Populasaun ho orsamentu alokadu millaun US$ 3,1. Estabelesimentu sistema ID Uniku ho orsamentu alokadu millaun US$ 3 no salariu ba rekrutamentu foun F-FDTL ema 1,200 ho orsamentu alokadu millaun US$ 1,2.

Timor-Leste nia Planu Estratejiku Dezenvolvimentu Nasional (PEDN) tinan 2011-2030 organizadu liu husi pilar importante haat.  Enkuadramentu Institusional, Kapital Sosial, Dezenvolvimentu Ekonomiku no Dezenvolvimentu Infraestrutura.

Bazeia ba pilar importante 4 nee, Oitavu Governu Konstitusional defini area prioridades 6 ba tinan oin mak hanesan, Dezenvolvimentu Kapital Umanu, Abitasaun no Inkluzaun Sosial, Setor Produtivu, Ambiente no Konektividade, Dezenvolvimentu Setor Privadu no Kooperativa, Dezenvolvimentu Rural, no Boa Governasaun.*

Reportajen: Madalena Horta

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...