Governu Tenke Fasilita Ró Lori Estudante Ba Oecusse

DILI, STLNEWS.co – Membru Parlamentu Nasional (PN) husu ba governu atu fo importansia ba estudante Oecusse oan sira neebe maka hela iha Dili, tanba sira hakarak atu fila ba munisipiu, maibe ró la halo operasaun.

Liu husi sesaun plenaria Deputada Lucia Taequi hateten, durante estabelese serka sanitaria, susar tebes ba estudante sira, tanba nee sira husu governu atu buka dalan liu liu autoriza ró bele tula fila estudante sira nee ba Oecusse, tanba sira barak maka hela iha kost, hahan laiha, inan aman sira labele haruka aihan mai, tanba ró la laiha.

“Ami husu ba governu atu buka netik solusaun, koalia ho Autoridade RAEOA bele fo autorizasaun ba ró Success bele tula netik estudante no maluk sira neebe lori taxi no balun servisu iha loja, atu nunee sira bele fila ba Oecusse hamutuk ho sira nia familia iha foho,” dehan Deputada Lucia Taequi liu husi sesaun plenaria, Segunda (10/05/2021) iha PN.

Nia afirma liu tan, durante serka sanitaria, traballador sira neebe servisu iha loja no sira neebe halai taxi iha Dili laran nomos estudante, sira nia atividade kuaze la lao, taba nee hahan laiha no osan atu selu kost laiha, tanba atividade hotu paradu, dalan diak ba sira maka tenke fila fali ba ida idak nia munisipiu, maibe sira atu ba Oecusse susar tanba ró la halai.

Iha parte seluk, Prezidente APORTIL, Flavio Cardoso hateten APORTIL prontu atu fasilita estudante sira nee fila ba sira nia munisipiu, liu liu Oecusse oan sira, maibe buat hotu portu Dili hein deit desizaun husi governu nomos autoridade RAEOA.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: