Governu Tenke Fo Atensaun Turizmu Relijiozu Cristo Rei

DILI, STLNEWS.co – Membru Parlamentu Nasional (PN), husu ba governu atu tau importansia ba fatin turizmu relijiozu hanesan Cristo Rei, fatin nee nakonu ho foer, du’ut komesa naruk, no ekipamentus sira neebe tau iha neeba hetan estragus, tanba nee presiza atensaun husi governu.

Kestaun nee fo sai husi Deputadu Antonio de Sa Benevides ba STL, iha PN, Dili, Segunda (23/08/2021).

“Ita haree Cristo Rei la moos ona hanesan uluk, agora du’ut sae naruk tiha deit, ema lekar foer arbiru deit ona, no ekipamentus hanesan lampu sira neebe tau iha neeba nee, balun hetan estragus hotu ona, loloos nee governu tenke tau ema permanente iha neeba, atu nunee bele halo limpeza ba fatin turistiku nee, bainhira ema ba vizita karik bele sente pasajen Cristo Rei nia furak, iha ema balun sei hamos hela fatin nee, maibe supervizaun husi governu seidauk masimu,” dehan deputadu nee.

Nia dehan, loloos nee fatin moos no furak, maibe dala ruma governu rasik la halo supervizaun ho masimu hodi kontrola ema sira neebe governu koloka ona ba halo servisu iha Crsito Rei, tanba nee knaar PN nian mak aprova osan, atu ezekuta iha baze nee knaar governu nian, tanba nee governu tenke iha kapasidade atu ezekuta tuir planu no programa neebe iha, no husu nafatin ba governu atu fo nafatin importansia ba fatin sira nee.

Iha parte seluk, Ofisial Ligasaun Instituisional AJAR, Inocencio de Jesus Xavier hatutan, loloos nee governu aproveita situasaun Covid-19 nee, dezenvolve didiak fatin turizmu sira iha rai laran, atu nunee aban bain rua Covid-19 nee laiha ona karik, bele atrai fali turista sira husi nasaun seluk vizita, halo komparasaun ho nasaun vizinu sira nee, ema uza situasaun hanesan agora nee hodi hadia ema nia fatin sira nee sai furak, tanba Covid-19 vizitante sira la vizita, tan nee uza tempu nee dezenvolve halo diak, maibe iha Timor Leste, governu foka liu ba setor saude.*

Repprtajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: