Governu Tenke Hatene Jere Situasaun

DILI, STLNEWS.co – Xefe Estadu Maior Jeneral, F-FDTL, Tenente Jeneral Lere Anan Timur hatete, ho situasaun Covid-19 neebe espalla iha rai laran, governu tenke hatene jere situasaun, se lahatene jere halo povu sei stres.

Dehan Tenente Jeneral Lere ba jornalista, bainhira remata hasoru malu ho PR, iha Rezidensia Prezidente, Farol, Dili, Kuarta (19/05/2021).

“Governu tenke hatene jere hanesan uluk hau hatete bebeik, hatene jere, kuandu lahatene, kria mos ema stres ba ita nia populasaun, ita nia ukun nain sira mos tenke hatene uza metodu, labele hanesan horiseik horibainrua mos simu osan subsidiu maske kiik oan maibe ita lahatene rezolve, ita koalia kona ba distansia sosial maibe ita ukun nain mak la kumpre distansia sosial, nee ita mak tau kamii iha neeba nehek mai hobur, tau masin midar iha neeba nehek mai hobur, nemak ladiak nee,” katak nia.

Lere dehan, buat neebe fasil maibe governu lahatene rezolve, lahatene nasaun nee atu lori ba neebe. Ema mate ba Covid-19 ladun barak hanesan nasaun sira seluk, sira mate ho Covid-19 mais babain hanesan sira dehan nee moras komplikadu mak halo sira mate.

“Covid19 nee loron loron sae, ita iha nee hotu hotu Covid-19 ona karik, se Swab karik hau dehan hau seiduk Swab, maibe hau mos deskonfia hau nia aan, no ita sira nee mos deskonfia malu buat nee sae ba bebeik, agora sae ona ba dois mill ka tres mill mais mate mak seidauk iha, mate tara aan mak iha, mate ba moras mak iha, mate mout ba tasi laran mak iha no kareta soke mak iha, maibe mate ba corona nee foin nain lima ida karik,” tenik Lere.

Nia afirma, mate ba Covid-19 nee foin mate ba nain 5 ka nain 6, hanesan kantores ou artista Juga Gama no maluk nain haat seluk mak mate, maibe barak seidauk mate ba Covid-19.

“Se ita la preve ita dehan sub-istima dehan katak, Covid-19 laiha mais kuandu mosu ita arepende, ita nebee mak arepende mos mate no sira neebe mak la arepende mos mate hotu ida nee problema boot,” nia afirma.

Iha biban nee Tenente Jeneral Lere mos husu atu kontinua kumpre regra, nunee bele hadook aan husi surtu Covid-19 neebe mak oras nee numeru kada loron aumenta .*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: