Governu Tenke Husu Responsabilidade Ba Parte Neebe Oferese Ró Tranship

DILI, STLNEWS.co – Relasiona ho kondiasaun ró Tranship II neebe Governu liu husi Ministériu Transporte no Komunikasaun (MTK), aluga ho folin 220 mil kada fulan, ida nee governu tenke husu responsabilidade ba parte neebe oferese ró nee, tanba oferese ró ho kondiasaun ladiak, risku ba pasajeirus nia vida.

Kestaun nee hatoo husi Vise Bankada CNRT, Deputadu Patrocino Fernandes ba STL, iha bankada CNRT Parlmentu Nasional, Kinta (22/07/2021)

“Se ró nee kontinua halao operasaun, ida nee Governu prefere tau pasajeirus sira nia vida iha risku do que hapara operasaun ró, ida nee hau parte haree katak, tenke husu responsabilidade ba ró nain, tanba bainhira halao kontratu ida iha ona diskusaun entre parte 2 nee, i parte neebe atu oferese ró nee nia tenke oferese sasan neebe diak atu asegura seguransa, ba ema neebe atu utiliza ró nee”, katak deputadu Patrocino.

Nia dehan, karik parte Ministériu Transporte no komunikasaun iha asina kontratu mak nia hatene kondiasaun ró nee ladiak mak asina deit ida nee krime, tanba uza osan estadu hodi selu ró neebe mak kondiasaun ladiak atu tula pasajeirus. Maibe se iha asina kontratu mak Ministériu nee lahatene kona ba kondiasaun ró nee katak aat, entaun Ministériu nee tenke husu responsabilidade ba parte neebe oferese ró nee, tanba nia halo manipulasaun nee krime.

Nia hatutan Governu kontinua mantein, Ró Tranship II, halai operasaun, ida nee lahtene Governu nia intensaun saída, Governu preferê diak liu povu mate doke lakon rekursu neebe hodi aluga ró.

Lamentável tebes, tanba iha ona faktus neebe hataudu katak, ró nee bainhira halao operasaun sempre hasoru problema bainhira atu atraka, iha Portu sira. Maibe problema nee laos deit atu atraka, maibe kuandu iha viazem iha dalan klaran sempre hasoru problema, halo pasajeirus sira paniku.

Entretantu Deputadu Bankada Khunto, Luis Roberto hatete ,relasiona ho ro traship II hanesan bankada Governu atu hatete agora dadaun iha prosesu investigasaun nia laran, husik fo kompetensia ba KAK hodi halao sira nia servisu.

Tuir Luis, prosesu investigasaun ba ro Tranship II lao ona, entaun ro tenke hapara depois, iha ona desijaun maka bele halao operasaun, karik ró nee ladiak substitui fali ro seluk hodi aluga ho osan estadu nian.

Entretantu informasaun neebe STL asesu ró tranship neebe governu aluga nee ho folin $220 mil, kada fulan hodi halao operasaun ba pasajeirus Dili_Oecusse, Dili_Atauro, maibe ró nee nia movimentu ka operasaun kada nesesidade mak foin halao operasaun.

Mezmu ró nee aluga ho folin $ 220 mil, maibe kondiasaun ró nee sai lamentasaun publiku.*

Reportajen: Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: