Governu Tenki Diginifika Sobrevivente Ho Dignidade

DILI, STLNEWS.co – Prezidente Interenu Konsellu Administrasaun Centru Nasional Chega (CNC,I.P.), Juvito do Rego informa, governu tenki dignifika sobre vivente sira neebe kauza husi prosesu luta ba ukun rasik an ho dignidade.

Tuir Prezidente Interinu CNC katak, iha selebrasaun aniversariu CNC ba tinan hat (4) neebe mak ho tema espesial katak ba oin tenki halo memorizasaun para dignifika sobrevivente sira, tanba durante prosesu luta ba ukun an iha ema barak mak terus, maibe jerasaun foun sira nee ladun konese istoria kona ba sobrevivente sira neebe barak sei moris no barak mak mate ona.

“Tanba nee sira neebe sei moris nee CNC hakarak buka meiu ida para dignifika sira ho maneira ida reparasaun neebe ho maneira oin-oin. Tanba nee iha eventu ida nee atu kolia kona ba reparasaun, tanba nee mak bolu panelista sira mai husu sira nia hanoin maneira neebe diak atu dignifika ho dignidade ba ita nia sobrevivente sira ho maneira ida reparative mak oinsa,” dehan Prezidente Interenu Konsellu Administrasaun Centru Nasional Chega (CNC,I.P.), Juvito do Rego iha salaun CNC Balide, Sesta (16/07/2021).

Nia dehan, atu dignifika sobrevivente sira dadaun nee CNC iha ona forma iha kampu pratiku por ezemplu hanesan hare sira neebe mak moras, trata sira nia saude, no sira neebe tanba funu nee mak lakon sira nia ain bele fasilita sira no sira neebe ekonomia uma laran ladun sufisiente atu haruka ona ba eskola tenki tau matan ba sira liu husi haruka labrik sira ba eskola.

“Fo mos gratifikasaun ba sira, liu liu sira neebe mak vulneravel liu labele halo serbisu tenki apoiu mos finanseiru ba sira,” tenik nia.

Aleinde nee Aniversariu Centru Nasional Chega (CNC, I.P.) ba da-4 rasik sei komemora iha loron 17/07/2021 iha salaun CNC eis Komarda Balide.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: