DILI, STLNEWS.co – Governu tenki garante kriditu ba setor privadu sira ho jurus neebe kiik, nunee sira bele impresta hodi halo investimentu iha rai laran.
“Hau hanoin atu loke kampu servisu ba Timor oan sira mak, governu tenki fasilita kreditu ba setor privadu sira ho funan neebe kiik, atu nunee sira bele asesu, hodi loke investimentu iha rai laran, fo servisu ba Timor oan sira neebe dezempregu hela,” lia hirak nee hatoo husi
Akademista UNTL, Felisberto de Carvalho ba STL liu husi telefone, Kuarta (12/07/2023).
Nia afirma, investimentu iha rai laran laiha, tanba durante nee setor privadu sira tau neon deit ba Orsamentu Jeral Estadu (OGE) liu husi projetu governu nian, no setor privadu laiha inisiativa atu investe no produs, tanba laiha rekursu neebe naton, menus fasilidade, aspetu jestaun no markadoria, tanba nee governu tenki fo importansia ba vida setor privadu nian.
(mad)
