DILI, STLNEWS.co – Reprezentante povu iha uma fukun Parlamentu Nasional (PN) husu ba governu da-8 tenki rezolve problema Electricidade de Timor-Leste (EDTL) neebe too agora difikulta ba fatin sira neebe mak faan pulsa eletrididade, sei nafatin halerik ba sistema neebe la diak.
Kestaun nee hatoo husi Deputadu Bankada CNRT, Domingos Lemos liu husi Plenaria iha PN, Tersa nee (24/04/2023).
“Relasiona ho eletrisidade, hau hanoin governu tenki haree didiak, tanba uluk kuandu seidauk sai Empreza Publika, sistema faan pulsa nee lao diak tebes iha fatin-fatin sira neebe mak faan pulsa, maibe agora nee Ermera oan sira sosa pulsa eletrisidade mos iha Dili, tanba deit sistema la diak hotu nee problema boot,” dehan nia.
Nia tenik, governu tenki haree ida nee hodi bele rezolve tiha situasaun nee, ka governu senti labele mak too agora iha fatin-fatin sira neebe faan pulsa iha Gleno mos la diak hotu ona, tenki konsentra loos ba iha fatin ida deit.
Nia hatutan, tanba deit sistema neebe la diak ema hotu tenki halai mai iha Dili hodi sosa pulsa eletrisidade nee.
(dom)
