Governu Troka Monumentu 12 Novembru Ba Sebastião Gomes

DILI, STLNEWS.co – Prezidente Komite 12 Novembru, Gregorio Saldanha husu governu tenke troka monumentu 12 Novembru Motael, hodi tau fali estatua saudozu Sebastião Gomes nian.

Tuir nia, governu tenke troka momumentu jardin 12 Novembru ba monumentu Sebastião Gomes, tantu ezijensia sobrevivénsia husi komite 12 Novembru halo beibeik dezde iha AMP nia tempu no governu promete atu troka.

“Depois iha troka governu ida agora nee fali nafatin ezije para situasaun iha neeba atu bele troka Jardin 12 Novembru ho estatua saudozu Sebastião Gomes nian,” dehan nia ba jornalista sira iha Semiteru Santa Cruz, Sesta nee (12/11/2021).

Nia tenik, ba pesoalmente la dehan governu laiha atensaun ba Masakre Santa Cruz, maibe hakarak dehan tenke justisa.

“Tanba ita labele nega fatin istoriku ida, kuandu tau ona 12 Novembru iha neeba signifika tau atensaun boot liu tan, i nuudar Prezidente Komite 12 Novembru, hau lakohi ita foku deit ba iha 12 Novembru nian, hodi haluha tiha akontesimentu sira seluk mak Sebastião Gomes nian, entaun rua-rua nee tenke kompleta malu,” nia afirma.

Nia haktuir, entaun ezijensia liu husi mensajen neebe fo sai iha numeru 2 katak, tenke harii duni monumentu saudozu Sebastião Gomes nian iha neeba, maibe nee responsabilidade governu nian atu harii bainhira.

“Maibe ba ami nian hanoin mak kleur ka sedu governu tenke hadia,” hatete nia.

Nia hatutan, tanba Sebastião nian akontese iha loron 28 fulan Outubru, depois joven sira la simu ho ninia mate, maka joven sira mate tan, tenke intende ida nee.

(dom)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...