Graduadus Barak Seidauk Hetan Fatin

DILI, STLNEWS.co – Kada tinan Universidade ka institute halo graduasaun barak, maibe barak too agora seidauk hetan fatin ou servisu,maibe oinsa sira bele kria kampu servisu ba aan rasik.

Vise Reitor I, asuntu akademiku IOB, Antonio Soares Martins hatete, loos duni katak, graduasaun nee kada tinan halao husi universidade la institute sira nee ba sira nian finalusta sira, neebe mak remata ona sira nian estudu, sira tenke tuir graduasaun, maibe graduadus sira nee balun too agora seidauk hetan servisu.

“Ita dala ruma, nia pensamentu katak, eskola para ba buka servisu. Ita nia pensamentu hanesan nee sala. Tuir lolos ita ba buka siensia atu bele kria kampu servisu ba ita nia an. Ezemplu, ba estuda negosiu para oinsa bele halo negosiu hodi hetan rendimentu, estuda IT para oinsa bele kria atividade nebe bele hetan osan. Liga ba ita boot nia pergunta, nia problema ne maka kampu servisu neebe maka iha ituan, no graduadus barak liu, nunee maka depois de gradua barak sei la hetan fatin. Presiza hasae atividade kampu servisu, nune bele absolve graduadu sira.karik seidauk iha kampu servisu maka ita tenke hanoin oinsa maka bele kria servisu ba ita nia aan,” dehan Antonio ba STL liu husi telefone, Tersa (20/07/2021).

Antonio mos fo ezemplu, se estudantes IT bele buka meus oinsa kria netik servisu komputador ou loke estudio foto ruma no seluk seluk tan, tanba sira bele loke kampu servisu ba sira nia aan rasik, ho koinesementu neebe mak sira hetan ona iha universidade sira,nee bele kria lampu servisu.

Iha parte seluk, Reitor UNPAZ, Adolmando Soares Amaral hatete, UNPAZ garante nafatin ninia graduadus sira bele kompete iha kampu servisu, tanba sira mos hetan ona siensia ,liu-liu ba sira nian area neebe mak sira hili ona, ho ida nee UNPAZ nian graduadus barak mak hetan ona servisu durante nee.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...