Graduadus Hein Buka Servisu Iha Liur

DILI, STLNEWS.co – Bainhira governu la kria empregu iha rai laran halo Timoroan sira, liu – liu graduadus sira sei ba servisu deit iha ema nia rai.

Kestaun nee haktuir husi Camilio Ximenes Almeida,hanesan dekanu Fakuldade Siensia Sosiais Universidade Nasional Timor Leste (UNTL) ba STL, Tersa (07/09/2021).

Nia hatete, bainhira menus empregu iha rai laran halo graduadus sira neebe mak remata ona sira nian estudu iha nivel universidade nee hein deit ba servisu iha ema nian rai, tanba nee presiza kria kondisaun neebe mak diak ba graduadus sira.

“Hau hanoin ida nee mak asuntu importante, tanba tuir lolos governu mak buka meus oinsa mak bele kria empregu, atu nunee bele rezolve asuntu ida nee, maibe governu mak ladun iha inisiativa diak, oinsa mak buka medida atu rezolve ida nee, tanba maioria funsionariu sira neebe reforma ona mos la fo reforma hodi bele substituí ema seluk, klaru graduadus sira hein ba rai liur buka servisu,” dehan Camilio.

Nia akresenta, universidade no institute sira iha rai laran nee kada tinan fo graduasaun ba estudantes finalista hirak neebe remata sira nian estudu, maibe durante nee sira hein ba buka servisu iha rai liur.

Iha fatin seluk Vise Reitor I asuntu akademiku IOB, Antonio Soares Martins hatete, dala ruma iha pensamentu katak, eskola para ba buka servisu, ida nee hanesan pensamentu sala, tuir lolos ba buka siensia atu bele kria kampu servisu ba sira nia an.

“Ezemplu ba estuda negosiu para oinsa bele halo negosiu hodi hetan rendimentu, estuda IT para oinsa bele kria atividade neebe bele hetan osan. Liga ba ita boot nia pergunta, nia problema nee mak kampu servisu neebe mak iha oituan no graduadus barak liu, nunee mak depois de gradua barak sei la hetan fatin,” nia informa.

Antonio dehan, presiza hasae atividade kampu servisu nunee bele absolve graduadu sira, karik seidauk iha kampu servisu mak tenke hanoin oinsa mak bele kria servisu ba sira nia an.*

Reportajen: Jacinta Sequeira

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: