DILI,STLNEWS.co – Prezidente Partidu Timor Forte (PATIFOR), Gregório Saldanha iha nia komisiu eleitoral neebe halao iha lagoa Tasi Tolu hatete, CNRT la hili sala Dr. Jose Ramos Horta hodi kompete iha eleisaun prezidensial ba periodu tinan 2022-2027.
“Ita agradese ba maun boot Xanana ho Partidu CNRT neebe hili ita nia maun Ramos Horta la sala, tanba nee ita hotu fiar katak maun Xanana hili nee la sala, ho nee ami hanesan partidu foun iha 30 de Agostu tinan kotuk, ami apoia sem kondisaun kandidatu neebe eskolha husi ita maun boot Xanana hodi sai Prezidente Republika periodu ida mai,” dehan Gregorio Saldanha ba apoiantes kandidatu Jose Ramos Horta iha Lagoa Tasi Tolu, Dili, Tersa nee (12/4/2022).
Prezidente PATIFOR nee haktuir, ita mai iha fatin ida nee atu reafirma fali ita nia votus neebe ita fo ona iha loron 19 fulan Marsu tinan 2022.
“Los duni ita mai atu reforma deit, tanba ita afirma tiha ona ita nia vitoria iha loron 19 fulan Marsu tinan 2022, ohin ita mai halo reafirmasaun ba iha loron 19 fulan Abril tinan nee,” dehan nia.
Kontinua ba pajina 2
