Grupu Balun Tenta Manipula Komunidade Labele Fiar Governu

DILI, STLNEWS.co – Sekretariu Estadu Komunikasaun Sosial (SECOMS), Mericio Juvinal dos Reis “Akara” hatete, iha grupu balun dadaun nee promove dezinformasaun hodi manipula publika nia konsiensia hodi labele tau fiar governu.

Kestaun nee Sekretariu Estadu Komunikasaun Sosial, informa bainhira hasoru malu ho Primeiru Ministru (PM) Taur Matan Ruak iha rezidensia Xefe Governu Farol, Dili, Tersa (11/05/2021).

“Hau halo analiza ba pontu situasaun neebe dadaun nee lao katak iha fenomena ida, neebe iha grupu balun promove hela desinformasaun iha ita nia rai hodi manipula publiku nia konsiensia opiniaun para tuir interese politiku balun hodi halo tauk sidadaun sira ho lansa lia falsu nunee ema labele fiar governu,” dehan Mericio.

Governante nee dehan, momentu neebe hanesan iha individu balun promove mos mis informasaun, hanesan nia hare informasaun balun neebe konsideradu lalaos maibe nia hakarak share tutan.

“Ida seluk mak mal informasaun neebe mak durante nee individu balun halo sira utiliza informasaun los maibe lansa tun sae hodi halo kanek deit ema seluk nia sentimentu hanesan wainhira ema balun pronunsia sala liafuan balun nunee mos video segredu balun, sira foti ida nee sai hanesan frakeza ida hodi lansa tun sae nunee hakanek deit ema nia sentimentu,” informa Akara.

Nia dehan, atu prevene aktu sira nee ba oin lalika akontese tan presiza kria kampania nasional kombate hoax no promove literasia digital.

“Tanba nee ohin iha enkontru ho Primeiru Ministru nee hau informa katak, dadaun nee SECOMS hahu ona halo edukasaun sivica no kampania nasional kombate hoax no promove litersia digital liu husi tama sai eskola sira, hanesan universidade sira no ba munisipiu sira nunee prepara sidadaun sira para bele uza meus digital sira, no iha kapasiade atu kritika hodi hatur informasaun neebe los no lalos,” nia dehan.*

Reportajen: Ekipa STL
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: