Grupu Banda Sibi Sama Hato’o Prosesu Gravasaun Ba PR

DILI, STLNEWS.co – Grupu Banda Sibi Sama hato’o prosesu gravasaun muzika ba Prezidente Republika Francisco Guterres Lú Olo.

Bainhira remata hasoru malu Jestor Prinsipal Banda Sibi Sama, Eladio Faculto ba jornalista iha Palasiu Prezidente Bairru Pite, Tersa nee (12/10/2021) hatete, grupu banda nee hasoru malu ho PR Lú Olo hodi hato’o prosesu gravasaun tomak ba PR, hanesan mos kompozitor ba muzika hitu.

“Ami nia objetivu hasoru malu ho Prezidente Republika, ami atu hato’o konaba prosesu halo Gravasaun ba muzika, neebe sua exelencia rasik mak nuudar kompozitor ba muzika, no muzika sira nee ami halo hotu ona, neee mak ami mai aprezenta,” dehan Eladio.

Jestor prinsipal nee hatutan, muzika neebe mak prezidente halo nee liga ba valor istoria luta nia, nomos haree liu ba valor ambiental, tanba nee mak banda husi Sibi Sama ho membru sira hotu mai aprezenta ba Prezidente Republika.

Iha biban nee, Prezidente Republika Francisco Guterres Lú Olo hatete, nia sente haksolok tebes, liu liu – ba membru artista sira neebe halo kontribuisaun ba muzika neebe kompozitor mai husi PR rasik.*

Repotajen: Emerenciana Pinto

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...