Grupu Mama Bolu Desinfekta TDD

DILI, STLNEWS.co – Iha loron Tersa (27/04/2021) mais ou menus oras tuku 9:30, grupu voluntariu husi Mama Bolu halo disinfekta iha Tribunal Distrital Dili (TDD).

“Bazeia ba pedidu tribunal nian neebe kontaktu mai ami, tanba nee ami marka prezensa iha nee halo desinfekta ba aredores sala audensia ofisial prokurador juiz sira nia fatin, atu bele halo prevensaun ba surtu neebe agora tama ona iha transmisaun komunitariu,” dehan Reprezentante Grupu Octavio Cardoso Ba STL iha TDD, Tersa nee.

Nia hatutan, tribunal fatin neebe kada loron audensia sira ba iha neeba mai husi fatin oin oin, tanba nee presiza duni halo desinfekta, tanba ema tama sai, nunee bele fo mos konfiansa ba kolega sira hodi bele kontinua halao servisu, tanba tribunal mos sai hanesan fatin risku.

Nunee ohin loron tuir pedidu neebe iha, sei halo uluk desinfekta iha Tribunal Dili, depois Tribunal Rekursu, Klinika Bairru-Pite, no desinfektasaun iha HNGV kualker tempu iha kalan ka loron.

Nia esplika tan, grupu nee eziste iha tinan kotuk 2020 no eziste tiha durante fulan 3 ka 4 mak governu foin deklara estadu emerjensia, no momentu neeba sira halo desinfekta ba fatin publiku transporte no mos ba hospital sira.

Grupu nee kompostu husi joven sira, neebe ho sira nia espiritu voluntarismu makas, presiza iha situasaun defisil, presiza halibur malu tulun malu partisipa iha atividade neebe bele kontribui ba nasaun, bainhira presiza ita nia forsa no kapasidade.

Tuir observasaun STL nian katak, grupu nee halo desinfekta durante oras rua nia laran, ba sala julganentu, fatin juiz nian, ba sala defensor sira nian, no Ministeriu Publiku nian, inklui mos ba parede no kadeira sira neebe tau iha tribunal.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: