Grupu Mama Bolu Ho PNTL Rega Desinfekta Ba Postu Polisia

DILI, STLNEWS.co – Grupu Mama Bolu hamutuk ho Polisia Nsional Timor-Lesten (PNTL), Ministeriu Interior no parte Saude, rega desinfekta ba Postu Polisia iha Manleuana, Dili. Segundu Komandante PNTL Munisipiu Dili, Superintendente Euclides Belo, hatoo kestaun nee ba jornalista sira iha Kasnafar Manleuana, Dili, Kuarta (29/04/20212).

“Durante nee grupu Mama Bolu neebe halao servisu ho voluntariu hamutuk ho Ministeriu Saude, nomos Ministeriu Interior, nomos ekipa neebe maka servisu ba prevensaun Covid-19 apoiu humanitarian ba dezastre sira nee rega desinfekta ba postu polisia sira, inklui mos fase estrada hodi rega mos pontu entrada iha areadores ida nee nian,” dehan nia.

Nia dehan, tanba nee ohin grupu Mama Bolu bazeia ba kalendariu operasional neebe maka iha embora desinfekta iha fatin neebe maka agora dadaun sira halo, no iha parte loraik nee movimentu tranzitu sira maka adere iha area Kasnafar.

“Entaun ita mai halo desinfekta nafatin liu-liu iha postu nomos rega ba fatin sira nee, tanba durante udan inundasaun nee halo rai rahun mos barak bele tau mos iha membru PNTL, saude sira neebe maka destaka iha nee,” dehan nia.

Nia esplika, objetivu rega mos desinfekta iha nee nunee komunidade sira neebe maka mai halo transferensia sasan tama no sai iha fatin nee, atu bele senti seguru.

Grupu Mama Bolu voluntariamente mai iha nee hodi fase postu Kasnafar inklui mos postu tenda neebe maka iha hodi halo desinfekta no fase hodi bele ambiente diak nafatin ba sira hodi halao servisu ho diak.

“Embora husi nee ita mos halo movimentu ba Aileu, Ainaro, Same nomos Suai, neebe maka liu husi nee, nunee sira atu tama mai fali iha Dili karik sira bele para tiha, 40 minutus hanesan nee nunee fatin nee mos bele mos ba sira,” dehan nia.

Reportajen: Efizenia da Costa/Claudio de Jesus
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...

SEKoop Apoiu Komunidade Afetadu Inundasaun 253

DILI, STLNEWS.co - Governu liu husi Sekretariu Estadu Kooperativa (SEKoop), fo apoiu nesesidade bazika ba komunidade sira neebe maka hetan afetadu husi inundasaun iha...
%d bloggers like this: