Hadeer An Signifika Hamenus Loko An, Hodi Hasoru Jesus

DILI, STLNEWS.co – Hadeer an nee signifika katak oinsa mak atu hamenus hahalok aat sira, buat ruma neebe ladun diak hanesan, odiu, laran moras, loko an, hirus, no seluk tan, ho hadeer an maneira ida oinsa hasoru ho Jesus.

Kestaun nee haktuir husi Padre Richardo Pasang SVD, ba STL liu husi nia refleksaun Sesta (03/09/2021) hatete, ohin loron eskriba no fariseu sira kritika Jesus nia eskolante sira konaba hadeer an. Atu resposta sira nia kritika Jesus dehan ba sira, “imi bele halo noivu nia bainaka sira hadeer an bainhira noivu sei hela ho sira. Loron sei to’o mai, bainhira ema sei hasai noivu husi sira, foin mak sira sei hadeer -an iha loron hirak neeba. Noivu iha evangellu ohin indika ba Jesus Kristu rasik.

“Jesus hakarak hanorin ita liu husi nia resposta nee katak, hadeer an mak maneira ida atu ita bele hasoru ho Jesus, besik malu ho Jesus, proximo (akrab) nomos unian ho Jesus.” hatete padre. 

Padre hatutan iha realidade moris loron – loron hadeer an intrepretadu ba esforsu an husi ema ida atu hamenus hemu iha tempu espesial igreja, ou tempu pesoal sira. Maibe, signifikadu importante liu mak hamenus hahalok aat sira, buat ruma neebe ladun diak hanesan odiu, laran moras, loko-an, hirus, hakarak ema seluk nia kaben, baruk ten, lori lia, koalia ema seluk nia naran, hanoin aat ema, no seluk tan.

“Tamba, sekuandu ita hamenus hahalok aat sira nee ita sei besik, proximo no uniaun ho Maromak nomos ho ita nia maluk sira, ita bele hadeer an loron – loron se ita hakarak, la presiza hein to’o tempu adventu ou tempu kuaresma neebe determinadu husi igreja. Signifika katak se ita esforsu atu hamenus hahalok aat sira nee iha ita nia moris loron – loron husi ita nia fuan, hanoin, liafuan no ita nia aksaun ita sei harii relasaun intima ho Maromak. Ita bele konstruir união de amor e fraternidade com Deus e os outros‟. “A união com Deus no fará desejar viver na verdade e na bondade”. (Kebersamaan dengan Tuhan akan membuat kita rindu untuk hidup dalam kebenaran dan kebaikan). Buat hirak nee mak halo ita bele moris hakmatek no seguru iha relasaun ho Maromak no maluk sira,“ hatete padre.

Bibi Atan Kreda Katolika nee hatutan Jesus mos fo hanoin katak, salvasaun bele hetan laos tanba halao lei, maibe tanba fiar ba Jesus Kristu. Hadeer an no orasaun presiza ema halo ho fuan no laran atu bele hetan duni salvasaun. Ho nunee, sei nakfilak an sai ema neebe haraik an hanesan Jesus Kristu.

Nia hatutan Saun Gregorio Magno maske famous tan pregador grande (pengkotbah hebat) maibe nia hatudu haraik-an nafatin nuudar atan Maromak nian. Saun Gregrorio Magno dehan “Quem for nomeado guarda do povo, deve escolher viver no alto, para que possa ajuda-los, porque tem uma visão ampla.” (Barangsiapa ditunjuk sebagai penjaga bagi umat, ia harus memilih hidup di ketinggian, hingga ia dapat menolong mereka, karena memiliki pemandangan yang luas).

Iha biban nee Padre mos halo orasaun husu Jesus Kristu atu haraik laran diak ba povu tomak atu bele lao tuir Papa Sao Gregorio Magno nia ain fatin.

“Nai ami nia Maromak, Ita be ho laran diak tau matan ba Ita povu, hodi ukun nia ho domin husi Papa São Gregorio Magno. Ami harohan ba Ita boot, haraik Ita Espiritu matenek nian ba sira neebe Ita foti ona nuudar mestre no mata dalan kreda nian, atu sarani tomak nia diak wain bele fo ksolok rohan laek ba nia bibi atan sira. Ami harohan nee hodi Nai Jesus Kristu nia naran hamutuk iha Espiritu Santu. Amin,”  ho orasaun.

Tuir observasaun neebe mak STL hetan evanjellu loron Sesta (03/09/2021) haktuir husi evanjellu saun Lucas.

Nai Jesus Kristu nia evangellu tuir São Lucas iha tempu neeba, eskriba no fariseu sira hateten ba Jesus: “Joao nia eskolante sira hadeer an dala barak hodi hamulak. Fariseu sira nia eskolante sira halo mos nunee. Maibe, o nian fali han hemu.” Jesus hatan ba sira “imi bele halo noivu nia bainaka sira hadeer an bainhira noivu sei hela ho sira. Loron sei to’o mai, bainhira ema sei hasai noivu husi sira, foin mak sira sei hadeer an iha loron hirak neeba.

Nia haktuir aiknanoik ida nee ba sira “ema ida la tesi hatais foun ida atu taka hatais tuan nia kuak, halo nunee karik, ida foun sei les ida tuan, hena neebe hasai husi ida foun lalos ho hatais tuan. Ema ida la rai hela tua foun iha tua fatin kulit tuan, nia halo nunee karik, tua foun sei halo fera tua kulit tuan hodi halo tua foun sei tau iha tua fatin kulit sei sai aat.

Maibe tua foun sei tau iha tua fatin kulit foun, no sira rua sei la lakon. La iha ema ida neebe, hemu tiha tua tuan, hakarak hemu tan tua foun basa nia dehan tua tuan mak diak,” lia maksoin.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: