Hafoin Normaliza Estrada & Volume Bee, XG – Ramos Horta Haleu Maslidun

DILI, STLNEWS.co – Hafoin normaliza estrada no redus volume bee lagoa, lider karismatiku Kay Rala Xanana Gusmão hamutuk ho Premiadu Nobel da Paz, José Ramos Horta akompana husi komunidade Tasi Tolu tomak Sabado nee (05/02021), halo komboiu haleu Maslidun hodi halao serimonia agradesementu.

Serimonia agradesementu nee halao, tanba aman luta nain Xanana Gusmão neebe halao asaun organiza kompania ka ekipa Xanana (X-Team), hodi tun direta ba ajuda komunidade Maslidun neebe sofre ba inundasaun iha loron 4 Abril 2021 nee.

Asaun neebe líder nee halao hahu iha dia 9 Abril, hamutuk ho lia nain Tasi Tolu halao serimonia kultural loke bee dalan. Iha dia 10 Abril, Xanana hamutuk ho ekipa sira supa lagoa. Hafoin supa lagoa redus volume bee, Xanana nafatin hamutuk ho ekipa sira normaliza estrada Maslidun husi bairru rohan ba bairru rohan.

Ho asaun Xanana ho ekipa nee konsege lori susesu ba komunidade Maslidun, tanba volume bee tun, komunidade bele fila hikas ba horik fatin no asesu ba estrada hodi halo movimentu.

Asaun hahu husi dia 10 Abril mai too ohin loron Xanana apoio tebes komunidade sira, nunee ohin halao serimonia agradesementu.

Iha serimonia agradesementu nee, Xanana hamutuk ho Premiadu Nobel da Paz, José Ramos Horta hatais kultura Timor nian, hamutuk ho komunidade halao komboiu iha bairru Maslidun. Iha komboiu nee komunidade Tasi Tolu sai tomak hodi akompana Xanana ho Ramos Horta.

Durante komboiu nee tuir dalan, komunidade sira dansa no tebe kultura no fahe selendang, halo poezia dalas ba dalas, hodi refleta sira nia sentimentu domin no agradese ba ajuda Xanana Gusmão ho ekipa neebe hasai sira husi susar no terus.

Oras nee dadaun serimonia agradesementu nee sei kontinua lao hela iha Maslidun*

Reportajen: Guilhermina Franco/Madalena Horta
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: