Hahalok Oknum PNTL Hanesan Traidor

DILI, STLNEWS.co – Familia matebian konsidera membru PNTL ho inisial MDJ neebe tiru mate ema nain 2, no ida kanek todan iha Suku Lahane Osidental, Aldeia Ainitas Hun, hanesan traidor ba povu no nasaun ida nee iha tempu ukun an.

Tuir familia matebian, Bento Alberto Carlos katak, familia lamenta tebes ho akontesimentu nee, tanba tuir lolos PNTL utiliza arma sira atu asegura no proteje povu sira husi ameasa saida deit, maibe defaktu ohin loron uza arma hodi hakotu povu nia vida.

“Ami familia matebian husu ba membru PNTL sira neebe inlvole iha prosesu investigasaun tenki haree ba realidade neebe akontese iha terenu, no labele intrepreta kronologia akontesimentu tuir imi nia hakarak, tenki hatudu an hanesan instituisaun neebe mak profisional hodi halo investigasaun ba iha kualker kazu sira neebe PNTL hasoru,” dehan Bento Alberto Carlos liu husi konferensia imprensa neebe halao iha sede CNJTL Palapasu, Sabadu nee (05/06/2021).

Tanba nee nia dehan, ho akontesimentu nee komandu PNTL presiza halo revizaun ba lei disiplinar hanesan utiliza arma neebe dadaun iha hodi regula membru PNTL sira, tanba wainhira komandu PNTL la halo revizaun ba lei sira nee ho seriu, mak iha futuru akontesimentu sira hanesan sei kontinua akontese bebeik.

Nia dehan, sei mobiliza familia juventude sira kontinua hodi hakilar ba hahalok membru PNTL neebe dadaun nee hahu lao la tuir dalan neebe mak iha.

Matebian nain rua (2) neebe mak membru Polisia tiru mate iha sabadu madrugada nee ho naran Filomeno de Deus ho nia oan mane Camilo de Deus.*

Reportagen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...

Komunidade Hakbesik An Ba Parte Saude Hodi Simu Vasina

DILI, STLNEWS.co - Komunidade aldeia hat iha Suku Zulo, Postu Administrativu Zumalai, Munisipiu Covalima hakbesik an ona ba saude hodi simu vasina doze primeiru...

ETDA Rejistu Estudantes 670

DILI, STLNEWS.co - Hahu iha fulan Janeiru too fulan Fevereiru 2021, sentru formasaun East Timor Development Agency (ETDA) rejistu estudantes hamutuk 670, maibe ema...
%d bloggers like this: