HAK Apoiu PNTL, Cek Droga Iha NSA

DILI, STLNEWS.co – Sosiedade sivil liu husi HAK, apoiu servisu Polisia Nasional Timor Leste (PNTL), neebe kumpri sira nia obrigasaun hodi cek droga neebe deskonfia subar iha estatua Nossa Senora Asunsaun (NSA).

Diretor HAK, Sisto do Santos hatete, iha konstituisaun hatete, estadu nee estadu secular, tanba nee saida deit maka akontese estadu iha obrigasaun bazeia ba lei atu asegura no garante katak, krime sira nee labele tama no labele alarga ba iha komunidade sira.

“Se akontese duni, estadu nia povu iha rai ida nee maka sei sofre, no mos sarani katolika iha uma kreda sei sai sofre, tanba nee PNTL implementa nia obrigasaun oinsa atu asegura ida nee, tanba PNTL mos laiha intensaun atu estraga estatua, lae, PNTL halao nia knaar nia obrigasaun atu asegura krime sira nee,” dehan nia ba STL, iha nia knaar fatin, Farol, Dili, Segunda, (25/01/2021).

Nia dehan, iha ema balun lafiar relijiaun no ema balun lafiar uma kreda nia instrumentu sira nee, tanba nee ema balun mos uza ida nee atu uza sasan krime sira, tanba nee atu asegura ida nee tenke komprova ida, hodi cek saida maka haksumik iha estatua nia laran. Tanba nee buat deskonfia nee normal nee iha indikasaun ruma neebe maka tenki konfirma nee maka maneira ida PNTL halo nee.

“Ami hanoin nee nudar espasu ida ita hahu ona uma kreda katolika hamutuk ho instituisaun estadu sira, atu asegura no kolabora hamutuk nunee antisipa hodi evita see deit maka iha intensaun, atu lori droga ka sasan krime saida deit tama mai iha Timor,” dehan nia.*

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here

NEWS UPDATE

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...
%d bloggers like this: