HAK Hatoo Parabens Ba Loron Feto

Diretor HAK, Sisto do Santos. (Foto: STL/Maria Tavares)

DILI, STLNEWS.co – Liu husi loron Internasional feto, Asosiasaun HAK hakarak hatoo parabens ba feto tomak iha Timor Leste.

“Ho loron Internasional feto nian nee HAK hakarak hatoo parabens ba ita nia inan feton sira liu liu ba Timor oan, neebe mak desde kolonial Portugues, Japaun noo Indonezia sira mak durante kolonial 3 nee sira mak hetan sofrementu ida boot Loos, kompara ho mane sira,’’ dehan Diretor HAK, Sisto do Santos ba STL, iha nia knaar Fatin Farol, Dili, Segunda (08/03/2021).

Sisto haktuir klaru katak, mane sira mos hasoru hela sofrementu barak, maibe ida todan liu too lakon sira nia dignidade, nee inan feton sira, enataun hakarak hatoo parabens ba feto sira neebe mak kontinua sobrevive hodi kontinua luta ba dame.

Nia dehan hakarak hatoo sentidu espresaun kondelensia ba inan feton sira neebe mak kontinua iha sofrementu nia laran, psikolojia, fiziku no ekonomia hetan diskriminasaun oioin Iha sosiedade ida nee, neebe biban ida nee hakarak fo kondelensia ba inan feton sira neebe lakon sira nia oan no sira nia kaben, ema sira neebe mak durante nee, iha sira nia moris lorloron.

Tanba nee hein katak estadu Timor Leste la taka matan, liu liu CNC no instituisaun hotu hotu, atu hahu ona integra, esforsu hotu, tuir rekomendasaun CAVR nian, katak dignifika feto neebe mak vitima oioin hahu husi kolonial Portugues too mai tempu Indonezia nian, dadaun nee sira sei nafatin halerik ba lia loos.

“Atu kompleta libertasaun ida nee bainhira feto ida, maski nia idade menor too idade avo sira, maibe nia hela iha ambiente ida neebe seguru iha sira nia hela fatin nee foin atinje ita nia ukun aan ida nee” tenik Sisto.*

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here