HAK Husu CAC – PDHJ Investiga Projetu Neebe Abandona

DILI, STLNEWS.co – Relasiona ho projetu eletrisidade no estrada balun neebe mak abandona hela, Assosiasaun HAK husu Komisaun Anti Korupsaun (CAC – sigla portugues) no Provedoria ba Direitus Umanus no Justisa (PDHJ) atu halo investigasaun.

Tuir Diretor Ezekutivu Asosiasaun HAK, Sisto do Santos hatete, konaba projetu eletrisidade neebe mak abandona, laos kulpa Electricidade de Timor-Leste (EDTL) mak abandona, maibe ida nee projetu ema hadau malu, tanba nee HAK nia observasaun laos deit eletrisidade, maibe inklui estrada sira neebe abandona hela, ida nee tanba mental ida hadau malu projetu.

“Ita haree laos iha legimia deit mak projetu eletrisidade abandona tinan 7, maibe kuaze iha Timor laran tomak, balun foin dudu rai, la kontinua ona, nunee mos eletrisidade balun foin harii besi riin, abandona tiha ona, tanba nee CAC no PDHJ mak tenke halo investigasaun,” dehan nia ba jornalista iha Farol, Dili, Segunda nee (20/09/2021).

Diretor nee lamenta konaba preokupasaun komunidade iha area Suku Legimia, Aldeia Hatuletan, Postu Admnistrativu Ermera, Munisipiu Ermera, tanba tinan 7 besi riin eletrisidade harii ona, maibe ate agora ahi la naroman, tanba nee CAC ho PDHJ labele dukur demais.

Nia realsa, komunidade sira tenke ezije ba CAC ho PDHJ, tanba sira mak defende povu nia direitu, bainhira sira la defende mak keixa hotu sira.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...