Hakarak Ka Lakohi F-FDTL Tau Iha Fronteira

DILI, STLNEWS.co – Xefe Estado Maior General das FALINTIL-Forsa Defeza Timor Leste (F-FDTL), Tenente General Lere Anan Timur afirma, hakarak ka lakohi F-FDTL sei tau iha lina fronteira, tanba nee desizaun governu nia.

Xefe Estadu Maior Das FALINTIL hato’o kestaun nee ba jornalista, bainhira remata hasoru malu ho Prezidente Republika Francisco Guterres Lú Olo iha palasiu Prezidente Bairru Pite, Kuarta nee (22/09/2021).

“Hakarak ka lakohi Forsa Armadas tau iha Fronteira, se Indonezia tau tentara iha neeba nusa ita labele tau tentara iha neeba, maibe Polisia Nasional Timor Leste (PNTL) ho F-FDTL kompleta malu, laos F-FDTL mak halo mesak laiha, uluk Polisia mak iha oin, agora polisia iha fali F-FDTL nia fatin. F-FDTL iha oin, hanesan hau dehan saida mak polisia nia servisu sira, halo sira nia servisu, no saida mak F-FDTL nia serbisu sira halo sira nia servisu, kompleta malu,” katak nia.

Tenente Jeneral Lere hatutan, se governu deside ona atu tau Forsa Armadas iha neeba, los ona, maibe governu tenke kria kondisaun.

“Fronteira governu deside koloka forsa iha neeba, kestaun governu tenke kria kondisaun infraestrutura, no transporte rua deit forsa iha neeba operasional ona, nunee komandante sira sei makaas liu tan iha disiplina, labele lutu sai fali ilegal,” katak nia.

Lere hatutan, se forsa mak halo ida nee, halo prosesu para duni sai tiha, tanba la serve no laiha lealdade no traisaun.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...