Halakon UNITAL 6-0, Ekipa Baucau Garante Sei Hakat Ba Primeira Divizaun

DILI, STLNEWS.co – Relasiona ho segundu divizaun Liga Futebol Feminina, ekipa husi Asosiasaun Baucau halakon nia adversariu ekipa UNITAL ho skor 6-0, treinador husi ekipa Baucau garante sei hakat ba iha primeira divizaun. Jogu entre ekipa rua nee realiza iha estadiu Munisipal Dili, Sesta nee (20/08/2021).

Ekipa rua nee tama iha kampu laran hodi lansa atake ba malu ho forsa jogu nian neebe mak hanesan, maibe iha minutu balu nia laran ekipa Baucau halo mudansa ba nia jogu hodi fo presaun liu husi bola neebe sira lansa, maibe la rezulta golu, tanba hetan salva husi defeza ekipa UNITAL, nafatin kontinua lansa atake ba malu iha minutu 16 ekipa Baucau susesu fura kedas rede UNITAL ho golu neebe suta husi jogador Izabelita Silva, presaun jogu husi ekipa Baucau neebe makaas iha tan minutu 33 sira kontinua aumenta kedas golu liu husi jogador Joana Silveira, enkuantu ekipa UNITAL mos esforsu hodi suta fila bola ba ekipa Baucau maibe la konsege rezulta golu, too oras primeira parte termina ekipa Baucau 2 no UNITAL 0.

Hafoin oras intervalu termina, ekipa rua nee kontinua hikas fali jogu, maske UNITAL nafatin esforsu an maibe bola neebe sira lansa la golu, enkuantu ekipa husi ekipa Baucau kontinua lansa nafatin bola hodi marka tan golu 4 liu husi jogador Elviana Sarmento iha minutu 49, Elviana Sarmento minutu 59, Izabelita da Silva iha minutu 76, no Izabelita da Silva iha minutu 80, to’o termina jogu vitoria ba ekipa Asosiasaun Baucau ho skor 6-0.

Hafoin jogu termina, Prezidente husi ekipa Asosiasaun Baucau, Marito da Costa Belo, hatete parte ba iha Asosiasaun Futebol Baucau laos foin tinan nee mak tuir, maibe tinan kotuk nee sira tuir tiha ona komu sira la iha oportunidade para atu tama primeira divizaun.

“Ita buka atu tuir nafatin, karik iha jogu tuir mai ami bele manan dala rua ou dala tolu tan, ami pasa ba primeira divizaun hodi hamutuk ho maluk sira neebe mak agora dadauk iha primeira divizaun,” tenik nia.

Nia dehan, Asosiasaun Baucau treinu nafatin, durante nee hasoru Covid-19, maibe iha fulan haat nia laran akontese Timor laran tomak, buka meius nafatin hodi sira treinu atu prepara duni ba jogu.

Iha fatin hanesan Prezidente UNITAL, Afonso Napoleão, hatete rezultadu bazeia ba preparasaun durante nee, tanba hotu – hotu hatene estudante sira foin tama fali no atividade treinu nee mak menus liu, depois jogador barak mak husi munisipiu mak mai, ida nee mak sai obstaklu ba sira.

“Ami sei hadia ami nia sistema jogu para oinsa bele joga diak hasoru ekipa sira tuir mai,” katak nia.*

Reportajen: Maria Tavares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: