Halo Advoka Ba MEJD Asegura Ema Defisiensia

DILI, STLNEWS.co – Assosiasaun Defisiensia Timor Leste (ADTL) nian akompaniamentu advokasia, ezemplu advoka ba Ministeriu Edukasaun, Joventude, no Desportu (MEJD), atu bele asegura prosesu aprendizajen ba ema defisiensia sira.

Tuir Diretor Ezekutivu ADTL, Cesario da Silva dehan, servisu seluk neebe dadaun nee ADTL organiza hela, hamutuk ho nia membru organizasaun sira, koalia hela hodi halo servisu hamutuk ho SECOMS atu estabelese radio komunidade ida ba ema ho defisiensia, tanba nee radio nee rasik sei estabelese iha tempu badak nian laran, ADTL mak lidera no sei iha diskusaun ho tekniku sira, para bele estabelese radio ida ba nian maluk defisiensia sira.

“Durante SS no Konfinamentu Obrigatomriu, ADTL nian atividades sira ADTL nafatin reorienta ninia atividades sira hotu, hodi hatan ba nesesidade ema ho defisiente sira nian, liu-liu nesesidade bazika no nesesidade higene, atu bele fo apoiu maluk defisiente sira iha tempu susar ida nee. Aleinde ida nee atividades seluk neebe mak ADTL halo mak atividades kapasitasaun, apoiu nia membru ADTL sira hodi dezenvolve sira nian planu estratejiku, nomos apoiu ninia membru organizasaun sira,” dehan Cesario ba STL, iha nia knar fatin Mascarinhas, Dili, Segunda (07/06/2021).

Nia dehan, ADTL nian akompaniamentu advokasia, tanba atividades advokasia lao tuiir situasaun neebe mak iha, ezemplu advoka ba MEJD atu asegura prosesu aprendizajen sira, oinsa mak atu involve mos ema ho defisiensia sira bele benifisia mos, aleinde ida nee ADTL nafatin advoka ba iha instituisaun relevante sira, hodi bele asegura politika sira ba ema ho defisiensia sira.

Iha fatin seluk, Luis Maia da Costa, hanesan defisiente dehan, presiza duni ema defisiensia sira, oinsa mak bele asegura diak sira, liu-liu sira mos bele asesu ba eskola, hanesan ho maluk sira seluk, maibe presiza mos fo apoiu ruma ba maluk defisiensia sira.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: