Halo Identifikasaun Mak Harii Postu Seguransa

DILI, STLNEWS.co – Polisia Nasional Timor Leste (PNTL) sei hatun ekipa hodi halo identifikasaun ba fatin risku konflitu, mak foin bele harii postu seguransa.

Komando Polisia Munisipiu Dili, Superintendente Xefe Henrique da Costa ba jornalista sira informa, konaba komunidade area Becora halo konferensia hodi husu ba Polisia Nasional Timor Leste (PNTL) Munisipiu Dili nian hodi monta postu seguransa iha sira nia fatin Becora Temporal, tanba deskonfia fatin nee risku ba konflitu.

“Ita hetan pedidu husi ita nia Xefe Suku Bairru Pite ninian, nomos Xefe Aldeia Haburas, Oedalak, neebe mak sira nia karta nee iha konesementu Administrador Postu Dom Aleixo nian. Sira mos husu para monta postu ba sira nia fatin,” hatete nia ba jornalista sira liu husi konferensia imprensa iha Komando Polisia Munisipiu Dili, Caicoli, Sesta (07/05/2021).

Nia hatutan, iha parte Temporal (Becora) mos husu polisia monta postu, maibe haree fali ba situasaun oras nee nian, rekursu husi parte polisia uza hodi asegura iha fronteira no mos fatin kuarentena no izolamentu tantu halo oprerasaun iha Dili nian.

Komandante nee katak, parte polisia sei hatun ekipa ida hodi halo identifikasaun ba fatin hirak nee, depois mak bele deside.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: