Halo Pagamentu Ba Benefisiariu Bolsa Meritu

DILI, STLNEWS.co РOras nee daudaun Banco Nacional de Com̩rcio de Timor-Leste (BNCTL) hahu halo ona pagamentu ba benifisiariu bolsa meritu, liu-liu ba sira neebe iha ona konta bankaria husi banku refere.

Kestaun nee hatoo husi Diretor Jeral Administrasaun Jestaun no Finansas Ministeriu Edukasaun, Antoninho Pire ba STL, Sabadu nee (29/07/2023).

“Hau hanoin konaba pagamentu ba ita nian benifisiariu bolsa meritu sira daudaun nee lao ona, tanba husi parte Ministeriu Edukasaun halo asina kontratu ho banku, atu nunee ita bele halo pagamentu ba ita nian benifisiariu sira, liu-liu hirak neebe iha ona konta bankaria, nee duni daudaun nee pagamentu lao ona, tantu iha munisipiu inklui iha kapital Dili,” dehan Pires.

Antoninho dehan, momentu iha asina kontratu ho banku nee tau prioridade uluk ba iha munisipiu, tanba iha hotu ona sukursal, maibe pagamentu nee halao iha munisipiu no nasional hahu lao hotu, tanba total benifisiariu ba bolsa meritu hamutuk rihun 12 resin, maibe rihun 8 mak iha konta bankaria.

“Balun laiha konta bankaria, tanba lakohi trata dokumentus para bele hetan konta bankaria hodi asesu ba bolsa ida nee, maibe ba hirak neebe mak laiha konta bankaria, nee sira sei lakon direitu ba bolsa ida nee, tanba osan sei fila ba iha kofre estadu,” tenik nia.

Iha fatin seluk, Diretor Servisu Edukasaun Munisipiu Aileu, Karlito Varia dehan, konaba asuntu total benifisiariu iha Aileu, diak liu halo intervista deit ho xefi departamentu, tanba daudaun nee sei tuir hela formasaun iha Dili, no ladun lembra numeru benifisiariu neebe asesu ba bolsa meritu.

“Liga ba asuntu ida nee, hau fo xefi departamentu nian nomor para halo intervista ho Xefi Departamentu, tanba hau la lembra numeru,” dehan Karlito.

(Ekipa STL)

LEAVE A REPLY

Please enter your comment!
Please enter your name here