Dili- Arguidu ho inisial AC tenke hatan iha Tribunal, tanba halo agresaun hasoru nia fen lezada ho inisial EM.
Iha julgamentu nee, lezada la marka prezensa, tanba nee Tribunal sei halo mandadu detensaun, no lezada sei selu multa ba arguidu.
Tuir akuzasaun neebe iha katak, Lezada no arguidu moris hamutuk iha tinan 2012, no iha ona nain rua. Iha tinan 2016 arguidu komete tiha krime hanesan, maibe sira rejolve tiha tuir familia nian.
Iha fali loron 20 Janeru 2018, lezada no arguidu fila husi nia aman kiik nia uma, tanba nia aman kiik sira halo lia. Too iha dalan klaran, lezada hali uluk tiha, no arguidu kous hela nia oan nain rua.
Ho lezada nia lia fuan, halo arguidu nervoju tuku dala ida, iha lezada nia matan fukun. Konsekuensia husi arguidu nia hahalok nee, halo lezada sente moras iha matan fukun.
Arguidu hanesan autor material ba krime violensia domestika ho forma ofensa integridade fisika simples neebe previstu iha artigu 145 husi KP, no lei violensia domestika nian.
Hatan ba akuzasaun nee, arguidu deklara katak, faktu loos hotu. Arguidu deklara katak, agora dadaun lezada no arguidu la moris hamutuk ona, sira separadu ona.
Rona tiha deklarasaun husi arguidu, Tribunal adia ba loron 11 fulan Outubru orsa tuku 11:00 hodi rona deklarasaun husi lezada. Terezinha De Deus