Haluha Maromak, Covid Sei Aumenta Beibeik

DILI, STLNEWS.co – Xefe Suku Manleuana, Aldeia Mundu Perdidu, Jacob Tilman Soares hatete, wainhira lahalao selebra misa paskua nian, pandemia surtu covid 19 sei aumenta beibeik.

Nia hatete, Timor Leste akontese surtu Covid-19, katak moras nee mosu lahili ema hanesan Katolika, Islam, no la haree ba ema ida.

“Maibe ita hanesan sarani Katolika, loloos tenke halao nafatin selebra misa paskua nian naran, katak tuir nafatin regra prevensaun husi Ministeriu Saude hanesan kumpre distansia sosial, uza maskra no fase liman beibeik, tanba sei ita la reza ka misa moras nee aumenta, tanba ita sarani reza para duni sai Covid-19, aimoruk bele sona ka hemu. Maibe sei ita la reza la kumpre hanesan sarani, moras sei la lakon ida,” dehan Xefe Suku Manleuana, Jacob Tilman Soares ba STL iha nia knaar fatin Manleuana, Kinta (01/04/2021).

Nia hatete, tanba moras covid lao nee horon ita nia fiar too iha neebe, la ba misa ka iha uma mos la reza, bele tuur hamutuk ema nain haat ka lima iha uma ida. Fiar ba maromak nee too iha neebe, tanba moras nee atu liu fali maromak, tanba covid mosu haluha tiha maromak.

Nia dehan, paskua iha tinan kotuk misa laiha no tinan nee mos misa laiha, satan eskola nee aat liu tan fo impaktu ba estudante sira, tanba agora tempu atu tama ba ezame primeiru periodu, tanba nee hotu hotu fiar ba ida-idak nia aan.

Tanba nee husu ba governu sei bele karik hanoin didiak, bele fo ordem programa ba publiku atu ba eskola, ba misa, tanba sei hanesan nee beibeik Timor la ba oin.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here